Рыхтуючыся да бізнес-форуму прадстаўнікі кіраўніцтва Асацыяцыі беларускага бізнесу за мяжой (АВВА) пабывалі з працоўным візітам ў ЗША, дзе правялі шэраг карыстных сустрэч.
У перыяд з 27 кастрычніка па 9 лістапада 2023 года прэзідэнт Асацыяцыі беларускага бізнесу за мяжой (АВВА) Яўген Буры, віцэ-прэзідэнт Асацыяцыі, віцэ-презідэнтка АВВА Марына Гірын і прадстаўнік АВВА ў ЗША, віцэ-прэзідэнт Асацыяцыі Алесь Аляхновіч правялі шэраг сустрэч у ЗША ў рамках падрыхтоўкі да I Беларускага бізнес-форуму, які АВВА правядзе напачатку 2024 году ў Злучаных Штатах Амерыкі.
Праграма працоўнага візіту прадстаўнікоў АВВА ў ЗША была максімальна насычанай і складалася з сустрэч з прадстаўнікамі беларускай бізнес-дыяспары, аналітычных і даследчых цэнтраў, органаў дзяржаўнай улады ЗША. Сярод іх — Дэпартамент гандлю, Дзяржаўны Дэпартамент ЗША, Атлантычная Рада (Atlantic Council), Упраўленне па кантролі над замежнымі актывамі (OFAC), Цэнтр міжнароднага прыватнага прадпрымальніцтва (CIPE), Агенцыя па міжнародным развіцці ЗША (USAID), Офіс Гандлёвага Прадстаўніка Адміністрацыі Прэзідэнта ЗША.
Прадстаўнікі Асацыяцыі данеслі сваё бачанне да амерыканскіх партнёраў, адбыліся прадукцыйныя дыскусіі і абмеркаванні. Прыярытэтам для візіту стала пашырэнне магчымасцяў і прыцягненне новых мембераў АВВА ў Злучаных Штатах. Ёсць падставы меркаваць, што беларускі бізнес, прадстаўлены за акіянам, будзе далучацца да Асацыяцыі.
Падчас візітаў у аналітычныя цэнтры і структуры федэральнай улады прадстаўнікі АВВА адзначылі патрэбу захавання санкцый супраць рэжыму Лукашэнкі, фармавання механізмаў непрымання кампрамісаў з рэпрэсіўным апаратам, недапушчальнасць стасункаў з Лукашэнкам на ўсіх узроўнях прыняцця рашэнняў. Прэзідэнт і віцэ-прэзідэнты АВВА падрабязна расказалі сваім амерыканскім візаві пра працэдуру акрэдытацыі бізнесу мембераў Асацыяцыі, падкрэслілі мэтазгоднасць яе пашырэння і на іншых беларускіх бізнесоўцаў за мяжой.
Таксама значная ўвага была нададзена мэтазгоднасці стымулявання рэлакацыі беларускага бізнесу за межы Беларусі, у Еўрапейскі Саюз і ЗША. Гэта працэдура здольная істотна паслабіць рэжым Лукашэнкі.
“Мы скарысталі нашае падарожжа максімальна. Візіт ў ЗША быў напоўнены прадуктыўнымі дыялогамі, дыскусіямі па вострых пытаннях і абмеркаваннямі. Мы вярнуліся ў Еўропу, каб напачатку 2024 года правесці паспяховы бізнес-форум АВВА ў ЗША і працаваць далей з нашымі заакіянскімі партнёрамі”, — падкрэсліў Яўген Буры.
Жители Бреста жалуются на ржавые перила, узкий проход и опасную лестницу. Обещания реконструкции звучат от…
Горячую воду в Северном микрорайоне обещают вернуть только 2 июля. Жители Барановичей говорят, что ее…
26 чэрвеня 2022 года ў баях ва ўкраінскім Лісічанску загінуў ураджэнец Брэста і дабраахвотнік Збройных…
Исследователи выяснили, что старые дубравы страдают сразу от нескольких факторов — от засух и старения…
Фактически ответ на просьбу установить новую площадку свелся к тому, что жителям предложили самим заняться…
Коммунальщики объяснили, что канализационный колодец водоканала провалился, не выдержав груз наполненной водой цистерны для полива.…