«Калі ўжо за гэта пачнуць штрафаваць?»: пінчанка абурылася жыхарамі горада, што кормяць галубоў на набярэжнай

Жыхарка Пінска размясціла ролік ў TikTok, у якім паказала стан лавак на гарадской набярэжнай. Па словах жанчыны, праблема ўзнікла пасля таго, як сем’і з дзецьмі пачалі падкормліваць галубоў, якія потым забрудзілі месца адходамі жыццядзейнасці.

Чытайце таксама: Газета «Брестский вестник» обвинила горожан в «воровстве» корма для лебедей на набережной. Правда, без доказательств

«Дзеці радыя, але на набярэжнай ужо немагчыма знаходзіцца. Лаўкі і сцежкі пазагаджаныя, спакойна пасядзець немагчыма. Хацелася б адзначыць, што ў РБ такім чынам карміць птушак нельга. Калі ўжо за гэта будуць штрафаваць?», — задалася пытаннем пінчанка.

@vaverochka1990 #пинск_беларусь🇧🇾 #природа #закон #зачемтакделать ♬ Old Cartoon Vibes — Shorts Tracks

«Галубы зрабіліся нахабныя». Пра што паспрачаліся гараджане

У каментарах пад ролікам з’явіліся розныя меркаванні наконт сітуацыі. На думку адных людзей, сур’ёзнай праблемы ў стане лавак няма, бо са з’яўленнем дажджу ўсё месца «будзе чыстым»:

• «Дажджу даўно не было, памые».
• «Правільна, я таксама падкормліваю, дождж памые лавачкі, не трэба душніць».

Іншыя таксама не падзялілі прэтэнзіі аўтаркі відэа: «Галубоў штрафаваць будзеце?», — задаліся пытаннем карыстальнікі.

А вось астатнія людзі, што адзначыліся ў каментарах, пагадзіліся з пінчанкай:

• «Ужо гэтыя галубы настолькі нахабныя, што калі садзішся на лавачку, то яны ляцяць да цябе і садзяцца на галаву».

Таксама сярод каментуючых знайшліся і тыя, хто звярнуў увагу на заканадаўства, якое забараняе падкормліваць птушак без асобнага дазволу ў грамадскіх месцах:

• «Гэта супрацьзаконна, за гэта могуць даць штраф! Кармленне галубоў забаронена ў грамадскім месцы!».

Сёння адзін клік ці падабайка могуць каштаваць занадта дорага. Гісторыя вашага браўзэра не павінна быць падставай для пераследу. BGlobal VPN. цалкам шыфруе ваш трафік. Заставайцеся ў бяспецы.

Спасылка на падключэнне BGlobal VPN – тут

Што пра гэта кажа закон

Паводле беларускага заканадаўства, само па сабе падкормліванне птушак не забаронена, але рабіць гэта трэба так, каб не забруджваць тэрыторыю і не ствараць пагрозы для здароўя людзей і жывёл.

Закон «Аб жывёльным свеце» прадугледжвае, што карміць дзікіх жывёл і птушак варта ў спецыяльна прызначаных для гэтага месцах або з выкарыстаннем кармушак.

Калі ж чалавек раскідвае хлеб, семкі ці іншыя харчы проста на зямлю і гэта прыводзіць да засмечвання тэрыторыі, яго могуць прыцягнуць да адказнасці. У прыватнасці, паводле артыкула 22.12 Кодэкса аб адміністрацыйных правапарушэннях, за парушэнне правілаў утрымання тэрыторый і санітарных нормаў прадугледжаны штраф да 20 базавых велічынь.

Як вынікае з артыкулаў, забарона распаўсюджваецца не на самое кармленне птушак, а забруджванне тэрыторыі падчас гэтага.

Чытайце таксама: Штрафы за кармленне птушак: што пра гэта думаюць эколагі