Беларускія прадукты ў польскай Лодзі: адкуль у краме з’явіўся «Лідскі квас» і сыркі «Савушкін»

У польскім горадзе Лодзь у краме «Прывоз», якая знаходзіцца на вуліцы Stanisława Przybyszewskiego, пакупнікі звярнулі ўвагу на незвычайны асартымент — на паліцах з’явіліся прадукты беларускіх вытворцаў. Сярод іх — квас, салодкія напоі, тварожныя сыркі і кансервы, якія звычайна цяжка знайсці ў краінах Еўрасаюза.

Чытайце таксама: Как превратить онлайн-шопинг в поддержку BGmedia — просто, без донатов, но с реальным эффектом

Журналістка BGmedia наведала краму, каб высветліць, адкуль узяліся гэтыя тавары, як яны аформленыя і па якіх коштах прадаюцца.

Як на навіну адрэагавалі беларусы

Навіна пра беларускія прадукты ў Польшчы выклікала неадназначную рэакцыю ў саміх беларусаў. Частка карыстальнікаў у сацсетках паставілася да яе скептычна, сцвярджаючы, што інфармацыя выглядае як фэйк. Асноўны аргумент — нібыта цэннікі пад таварамі «на расейскай мове», што выклікала падазрэнні ў сапраўднасці паходжання прадуктаў.

Іншыя ж, наадварот, узрадаваліся: людзі ў каментарах адзначылі, што беларускія прадукты «даўно цэняцца за якасць і попыт на іх ёсць нават сярод палякаў і іншых еўрапейскіх пакупнікоў».

Якія мовы на цэнніках насамрэч

Як высветліла журналістка BGmedia, сцвярджэнні пра «расейскія цэннікі» не пацвердзіліся. У краме «Прывоз» цэтлікі пад таварамі ў асноўным аформленыя па-польску. Пры гэтым частка інфармацыі дублюецца на ўкраінскай мове, бо крама арыентаваная ў першую чаргу на ўкраінскіх пакупнікоў.

Напрыклад, беларускія сыркі і марская капуста ад «Санта Брэмар» падпісаныя па-польску, а «Лідскі квас» разам з іншымі напоямі маюць цэннікі на ўкраінскай мове.

Асартымент: што прадаюць у «Прывозе»

Асноўную частку асартыменту крамы складаюць украінскія прадукты — ад кансерваў да дэсертаў. Аднак сярод іх можна знайсці і тавары з іншых краін, у тым ліку беларускія і грузінскія.

Беларускія прадукты і кошты на іх:

• «Лідскі квас» — цёмны і хлебны: 6,56 зл за 0,5 літр, 11,98 зл за 1,5 л

• Салодкія напоі Darida
  • Vitamix «Мультыфрукт» — 5,59 зл за 1 літр
  • «Zeronad» — 7,65 зл за 1 літр

• Тварожныя сыркі «Савушкін» — 3,24 зл за штуку:
  • «Плюш» (шакаладны і ванільны)
  • «Топ» шакаладны
  • «Алёнка»
  • «Картошка»
  • «Савушкін з ваніллю»

• Прадукцыя ад «Санта Брэмар»
  • марская капуста — 5,65 зл
  • ікра і селядзец «Маціас» (кошты ў краме не пазначаны)

Адкуль у Польшчы беларускія тавары

Інфармацыя на ўпакоўках паказвае, што прадукты трапляюць у Польшчу праз розныя ланцужкі дыстрыбуцыі.

Тавары ад «Санта Брэмар» маюць маркіроўку цалкам на нямецкай мове, што сведчыць пра пастаўкі праз Германію. Назва нямецкага дыстрыбутара — РET-FISCH GmbH Am Lunedeich. Ён спецыялізуецца на рыбных прадуктах.

Сыркі «Савушкін» захавалі арыгінальную ўпакоўку, але абклееныя налепкамі на нямецкай мове, што таксама ўказвае на магчымы ўвоз праз Германію і папярэдні рээкспарт з іншых краін (напрыклад, Казахстана ці Грузіі). Кампанія належыць да Leis — Siberia group, заснавальнікі якой паходзяць з Расіі.

«Лідскі квас» і напоі Darida маюць налепкі на польскай мове. У якасці дыстрыбутара пазначаная кампанія Favo Retail Group з Кракава (адрас: al. Kijowska 7).

Паводле адкрытых крыніц, Favo Retail Group належыць украінскім уласнікам, была заснаваная ў 2022 годзе і мае акцыянерскі капітал у памеры 150 тысяч злотых.

Чытайце таксама: «Можа, вам пара на пенсію?»: беларуска абвінавачвае кіраўніцтва крамы «Родны кут» у закрыцці адзінай крамы

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро