«Дасягненне» па-клічаўску? Улады пахваліліся тым, што колькасць адміністрацыйных працэдур вырасла больш чым удвая

У Клічаўскім раёне расказалі пра працу службы «Адно акно» і яе развіццё. Аднак адзін з паказчыкаў, які чыноўнікі назвалі поспехам, можа выклікаць неадназначную рэакцыю.

Чытайце таксама: Жыхары вёскі пад Гомелем зноў скардзяцца на смурод: улады запэўніваюць, што здароўю людзей нічога не пагражае

Работніца Патоцкага сельвыканкама Людміла Заяц падзялілася станоўчым вопытам карыстання службай «Адно акно», адзначыўшы, што яна дапамагла ёй аформіць неабходныя дакументы.

У сваю чаргу начальніца аддзела па працы са зваротамі грамадзян і юрыдычных асоб Клічаўскага райвыканкама Таццяна Лявіцкая паведаміла, што за апошнія гады колькасць адміністрацыйных працэдур значна вырасла.

Паводле яе слоў, калі ў 2018 годзе праз службу аказвалі 105 адміністрацыйных працэдур, то цяпер іх ужо 226.

Бюракратыі стала больш, а не менш

На фоне шматгадовых размоў пра лічбавізацыю дзяржаўных паслуг лагічна было б чакаць, што колькасць працэдур, якія патрабуюць асобнага афармлення, будзе паступова скарачацца або аб’ядноўвацца. Замест гэтага за восем гадоў іх колькасць больш чым падвоілася.

Чыноўнікі таксама падкрэсліваюць, што цяпер грамадзянін можа падаць заяву не толькі па месцы жыхарства, але і ў любой іншай службе «Адно акно» ў краіне. Аднак гэта ўсё адно прадугледжвае асабісты візіт.

Сёння адзін клік ці падабайка могуць каштаваць занадта дорага. Гісторыя вашага браўзэра не павінна быць падставай для пераследу. BGlobal VPN. цалкам шыфруе ваш трафік. Заставайцеся ў бяспецы.

Спасылка на падключэнне BGlobal VPN – тут

У суседніх краінах многія паслугі ўжо даўно атрымліваюць анлайн

У многіх еўрапейскіх краінах дзяржаўныя сэрвісы ўжо некалькі гадоў развіваюцца ў іншым кірунку.

Напрыклад, у Польшчы працуе мабільны дадатак mObywatel, які дазваляе выкарыстоўваць электронныя дакументы, лічбавы подпіс і атрымліваць вялікую колькасць дзяржаўных паслуг праз смартфон.

У Эстоніі праект e-Estonia зрабіў амаль усе асноўныя дзяржаўныя сэрвісы даступнымі ў інтэрнэце, без неабходнасці наведваць дзяржаўныя ўстановы.

У Літве значная частка дакументаабароту адбываецца праз дзяржаўны партал e-paslaugos.lt.

У Беларусі электронны партал існуе, але людзі працягваюць хадзіць у кабінеты

У Беларусі таксама працуе Адзіны партал электронных паслуг portal.gov.by, аднак у паведамленні Клічаўскага райвыканкама пра яго нават не згадваецца.

Замест гэтага асноўны акцэнт робіцца на працы службы «Адно акно», куды людзі працягваюць прыходзіць асабіста для афармлення дакументаў.

Нагрузка на спецыялістаў выглядае не вельмі вялікай

У матэрыяле таксама прыводзіцца статыстыка працы службы.

Летась у «Адно акно» паступіла 2260 заяў, а за першыя пяць месяцаў гэтага года — 869.

Калі падзяліць гэтыя паказчыкі на колькасць працоўных дзён, атрымаецца, што служба прымае ў сярэднім каля 7–8 заяў за дзень. Паводле афіцыйнай інфармацыі, звароты грамадзян абслугоўваюць два спецыялісты, таму на кожнага з іх прыпадае прыкладна па чатыры заявы за дзень.

Галоўным паказчыкам развіцця сістэмы ў Клічаве назвалі не скарачэнне бюракратычных працэдур або пашырэнне электронных сэрвісаў, а рост колькасці саміх адміністрацыйных працэдур.

Чытайце таксама: В Бресте задержали сотрудников соцучреждений за кражу продуктов. Подобные случаи в Беларуси происходят не впервые