«Ані знішак, ані папярэджання». Мінчанка заўважыла парушэнні санітарных нормаў у вядомай сетцы крамаў

Беларуска падзялілася праблемай у TikTok: пры наведванні крамы сеткі «Greentime» амаль а дзясятай вечара яна заўважыла шмат сапсаванай гародніны: «Першае, што я бачу – цыбуля, якая даўно страціла таварны выгляд. Побач агуркі з гніллём, але гэта толькі пачатак».

Чытайце таксама: Цены на «борщевой набор» снова под контролем государства: сколько заплатим за овощи и яблоки

У дрэнным стане таксама апынулася выпечка: «Самае цікавае – факача з салямі. На цэтліку ранішні час выпякання – 10:00. Зараз 21:48». Дзяўчына спасылаецца  на пастанову ад Мінздароўя №119 (глава 9), згодна з якім прыгатаваная выпечка з мясам можа захоўвацца пры пакаёвай тэмпературы не больш за тры гадзіны. Атрымоўваецца, што факача ўжо не прыдатная да ўжывання. Але на дзіва яе не прыбралі з продажу.

@roniveroni95Рейд в Green, Минск: фокачча с салями пролежала 12 ч вместо 3 х, гнилой лук, полусгнившие огурцы, сыр на грани срока. СанПиН нарушен?♬ оригинальный звук — Хочу сервис

Таксама мінчанка заўважыла, што тэрмін прыдатнасці сыра «Фітнэс Лайт 25%» ад «Бабушкіна крынка» хутка скончыцца: «Тэрмін рэалізацыі 48 гадзінаў. Заўтра ў 11:40 ён афіцыйна пратэрмінаваны. Ані знішкі, ані папярэджання».

З адзіных плюсаў дзяўчына адзначыла наяўнасць у краме новых сыроў з Аргентыны і Італіі. «Але навошта ўвесь гэты шык, калі базавыя нормы бяспекі ігнаруюцца… Як думаеце, гэта адзінкавы выпадак ці сістэма?» — задаецца пытаннем блогерка.

Ці ўсе пагадзіліся з крытыкай

Некаторыя карыстальнікі не зразумелі прэтэнзій дзяўчыны, не зважаючы на прыведзеныя факты парушэнняў санітарных нормаў.

• «Гэта, вядома, не норма, але…! Мілая дзяўчына, калі б вы хоць адзін дзень папрацавалі ў гандлі, асабліва ў вялізнай зале, дзе адзін чалавек працуе ледзь не на паўкрамы, вы б, як мінімум, такое відэа не выклалі!!!! А як максімум — у вас бы закружылася галава ад усіх абавязкаў, якія начальства навешвае на аднаго чалавека!!!! І так, не думаю, што на наступны дзень вы б пайшлі зноў у гандаль працаваць».
• «У гэты час трэба ісці спаць, а не хадзіць па крамах».
• «Мы б сядзелі без прадуктаў, калі б кожную краму правяраць, штрафаваць і зачыняць. У санстанцыі не дурні сядзяць, яны шмат чаго ведаюць лепш за вас».

Не зважаючы на кіпу негатыўных каментароў, знайшліся людзі, якія падтрымалі аўтарку відэа:

• «Добрая справа. Дзякуй, што асвятляеце. Хто б што не казаў, але здароўе важнейшае за ўсё»
• «У Беларусі з прадуктамі бяда. У Еўропе за такое даўно б зачынілі краму».
• «А на раніцу на тых жа прадуктах адноўленая фасоўка са свежай датай».

Чытайце таксама: «Не пусцілі ў санаторый ў прызначаны час». Разабраліся, хто вінаваты