«Беларусы як з ланцуга сарваліся». У краіне пачалі перапрадаваць цацкі з былога McDonald’s

Беларуская блогерка Ірына звярнула ўвагу на феномен, які цяпер адбываецца з цацкамі з сеткі хуткага харчавання Mak.by (якая раней была McDonald’s). Людзі пачалі масава выкупляць цацкі Happy Meal і прадаваць іх у разы даражэй.

Чытайце таксама: «Что это за вредность такая?!» Автобусный перевозчик запутал беларусов из-за остановки в аэропорту Вильнюса

Як паказвае скрыншот з відэа ў TikTok, цацкі з дзіцячых мультфільмаў, якія перапрадаюць беларусы, каштуюць ад 50 да 140 рублёў.

«Беларусы як з ланцугу сарваліся. Яны масава скупаюць гэтыя цацкі. Кошты часам проста зашкальваюць», — распавядае Ірына. Яна таксама мае такія цацкі, але за сёняшні кошт купляць іх не стала б.

@user29131854700015 Все видели нашумевший тренд из макдональдса? Как вам стоимость таких игрушек?))) #мак #макбай #макдональдс #союзмультфильм ♬ оригинальный звук — Ира

«Мы проста прыходзім з дзецьмі ў McDonald’s, купляем Happy Meal, і цацкі нам самі трапляюцца. Але купляць цацкі за 50–80 рублёў, на мой погляд, — гэта занадта. Гэта нейкая новая крыптавалюта ў Беларусі», — падкрэсліла блогерка.

Яна таксама адзначыла: «То бок людзі прыйшлі, зжэрлі бульбу і нагетсы, выпілі колу, а цацку прадаюць яшчэ даражэй, чым каштуе сам Happy Meal. Як вам такі трэнд?».

Якія цацкі даступныя для продажу?

Мы праверылі, якія цацкі з Mak.by даступныя для продажу ў анлайн-крамах.

Апынулася, што кошт у 140 рублёў яшчэ не самы высокі: некаторыя калекцыйныя цацкі прадаюцца на ozon.by за 400 рублёў, хоць на іх зрабілі зніжку ў памеры 85%, зменшыўшы цану да 60 рублёў. Аднак гэта ўсё роўна значна даражэй за звычайны дзіцячы абед у Mak.by, кошт якога, паводле афіцыйнага сайта, пачынаецца ад 15 бел. рублёў.

Чытайце таксама: Не падзялілі дарогу: таксіст вырашыў прыбраць канкурэнта