«Цярністы шлях спартсменаў і аматараў спорту». Бетонныя лесвіцы каля Віцебскага ЦСК знаходзяцца ў жаласным стане

Адзін з віцебскіх навінавых паблікаў апублікаваў відэа пра стан тэрыторыі каля Віцебскага цэнтральнага спартыўнага комплексу (ЦСК) на праспекце Люднікава.

Чытайце таксама: У Віцебску на вуліцы Герцэна спілавалі дрэвы. «Віцебскэнерга» адказала, што гэта дзеля цяпла ў кватэрах зімой

Пры спробе патрапіць у Віцебскі ЦСК можна пашкодзіць ногі

«Цярністы шлях спартсменаў і аматараў спорту ў Віцебску. Пры спробе патрапіць у Віцебскі ЦСК можна пашкодзіць ногі праз лесвіцы, парапеты і ходнікі, якія разбураюцца», — кажуць у відэа.

@2thregionofbelarusТернист путь спортсменов и любителей спорта в Витебске #витебск #прЛюдникова #лестница #цск #парапет♬ оригинальный звук — Второй регион Беларуси

У каментарах жыхары Віцебска пацвярджаюць праблему і дзеляцца сваімі назіраннямі:

• «Цэнтральны спартыўны комплекс! Дзіцячая музычная школа! Зона адпачынку Віцьба! Калі будуць прынятыя меры па аднаўленні?! Жах, ніякай павагі да жыхароў горада!»
• «Аднаўляць збіраюцца? Немагчыма хадзіць».
• «Гэта ўжо колькі гадоў так стаіць. Калі нехта едзе, абгароджваюць, нібыта рамонт ідзе».
• «Там не спартсмены, а дзеці ходзяць у музычную школу».
• «Не толькі аматарам спорту, але і жыхарам. Ідзеш — і ногі выкручваеш. І калодзеж там у яблыневым садзе адкрыты са смеццем стаіць. Не бяспечна зусім. І трава ўжо вялікая, з дзьмухаўцамі. Неяк не клапоцяцца пра адпачывальнікаў у парку, зусім».
• «Ганьба гораду! Што Віцьба ўся разваленая, што каля цэнтральнага комплексу! Жах!»

В сети каждый ваш клик оставляет след, который могут использовать против вас. Не позволяйте превращать ваши интересы в уголовные дела. Включайте BGlobal VPN — будьте невидимы для посторонних глаз.

Ссылка на подключение BGlobal VPN – здесь 

У мінулым годзе ў Віцебску капітальна рамантавалі ступені Палаца спорту

Адзначым, што ў мінулым годзе ў Віцебску капітальна рамантавалі ступені Палаца спорту на праспекце Будаўнікоў. Планавалася поўная рэканструкцыя паверхні каля 500 квадратных метраў лесвічных ступеняў, выкананых з гранітных пліт.

Паводле ўмоваў кантракта, рамонт павінен быць завершаны да пачатку лютага 2026 года. Арыенціровачны кошт праекта склаў 837 340 рублёў. Грошы вылучылі з абласнога бюджэту.

Чытайце таксама: «У такіх вось умовах мы жывём». Жыхары Віцебска паказалі фекаліі ў падвале шматпавярховага дома