BMG супраць «еўрабляхі»: ці ёсць шанец у беларускіх мінівэнаў ад «Брэстмаша»

На «Брэстмашы» пачалася серыйная зборка мінівэнаў, пабудаваных на базе Mitsubishi Delica. Машыны зроблены сумесна з кітайскім вырабніком Dongfeng пад беларускай маркай BMG. Верагодна, беларускае ў гэтых машынах — толькі назва і зборка.

Першымі ў лінейцы прадстаўлены BMG M5 Passenger — сямімесны пасажырскі аўтамабіль, і BMG M5 Cargo — грузавы цэльнаметалічны фургон.

Вытворчая магутнасць завода складае 2000 аўтамабіляў у год, паведамляе Telegram-канал «#1рэгіён». Паводле інфармацыі канала, на сёння прадпрыемства пераходзіць на поўную магутнасць вытворчасці.

Колькі каштуюць

Па стане на 25 верасня 2025 года, на сайце av.by у продажы прадстаўлены толькі адзін аўтамабіль BMG — пасажырскі мікрааўтобус M5 Passenger коштам 79 000 рублёў ($26 001).

На афіцыйным сайце кампаніі новыя аўтамабілі прапануюцца па наступных цэнах:

• M5 Cargo — 69 000 рублёў (каля $23 135).
• M5 Passenger — 79 000 рублёў (каля $26 500).Пакуль кошты на BMG аднолькавыя, незалежна ад сайта з аб’явамі.

Абвестка продажу мінівэна. Скрыншот з сайта бмг.бел

Асаблівасці мадэляў і параўнанне з канкурэнтамі

Цікава, што для абедзвюх версій гэтай машыны вытворцы прапаноўваюць толькі задні прывад. А таксама толькі адзін варыянт рухавіка і скрыні перадач: 1,6 бензін + 5 МКПП.  І калі ў пасажырскім варыянце, для прыватнага ўжывання, гэта яшчэ можа быць прымальна, то з грузавой версіяй узнікае пытанне: ці сапраўды кур’ерскія службы будуць набываць такую машыну, ці выбяруць больш сучасныя і эканамічныя мадэлі, куды больш адаптаваныя да камерцыйных патрэбаў.

Аднак, дзеля шчырасці, варта прызнаць: нават ужываныя мікрааўтобусы з Еўропы цяпер каштуюць значна больш за 69–79 тысяч рублёў. Асабліва ва ўмовах санкцый.

Вось прыклады машын з падобным функцыяналам з сайта cars.av.by, якія каштуюць больш, чым у два разы: Voyah Dream (179 900 руб.) і Hyundai Staria (227 569 руб.).

Такім чынам, мяркуем, у сённяшняй сітуацыі галоўнымі перавагамі BMG выглядаюць даступны кошт і флёр надзейнасці, які цягнецца за платформай Mitsubishi Delica, нягледзячы на яе ўзрост.

Чытайце таксама: «Его надо было как-то пропиарить»: брестская чиновница включила в туристический топ-3 региона контактный зоопарк

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро