На «Брэстмашы» пачалася серыйная зборка мінівэнаў, зробленых сумесна з кітайскім вырабніком. Верагодна, беларускае ў машынах — толькі назва і зборка.
BMG ад Брэстмаша. Ілюстратыўнае фота
На «Брэстмашы» пачалася серыйная зборка мінівэнаў, пабудаваных на базе Mitsubishi Delica. Машыны зроблены сумесна з кітайскім вырабніком Dongfeng пад беларускай маркай BMG. Верагодна, беларускае ў гэтых машынах — толькі назва і зборка.
Першымі ў лінейцы прадстаўлены BMG M5 Passenger — сямімесны пасажырскі аўтамабіль, і BMG M5 Cargo — грузавы цэльнаметалічны фургон.
Вытворчая магутнасць завода складае 2000 аўтамабіляў у год, паведамляе Telegram-канал «#1рэгіён». Паводле інфармацыі канала, на сёння прадпрыемства пераходзіць на поўную магутнасць вытворчасці.
Па стане на 25 верасня 2025 года, на сайце av.by у продажы прадстаўлены толькі адзін аўтамабіль BMG — пасажырскі мікрааўтобус M5 Passenger коштам 79 000 рублёў ($26 001).
На афіцыйным сайце кампаніі новыя аўтамабілі прапануюцца па наступных цэнах:
Абвестка продажу мінівэна. Скрыншот з сайта бмг.бел
Цікава, што для абедзвюх версій гэтай машыны вытворцы прапаноўваюць толькі задні прывад. А таксама толькі адзін варыянт рухавіка і скрыні перадач: 1,6 бензін + 5 МКПП. І калі ў пасажырскім варыянце, для прыватнага ўжывання, гэта яшчэ можа быць прымальна, то з грузавой версіяй узнікае пытанне: ці сапраўды кур’ерскія службы будуць набываць такую машыну, ці выбяруць больш сучасныя і эканамічныя мадэлі, куды больш адаптаваныя да камерцыйных патрэбаў.
Аднак, дзеля шчырасці, варта прызнаць: нават ужываныя мікрааўтобусы з Еўропы цяпер каштуюць значна больш за 69–79 тысяч рублёў. Асабліва ва ўмовах санкцый.
Вось прыклады машын з падобным функцыяналам з сайта cars.av.by, якія каштуюць больш, чым у два разы: Voyah Dream (179 900 руб.) і Hyundai Staria (227 569 руб.).
Такім чынам, мяркуем, у сённяшняй сітуацыі галоўнымі перавагамі BMG выглядаюць даступны кошт і флёр надзейнасці, які цягнецца за платформай Mitsubishi Delica, нягледзячы на яе ўзрост.
Чытайце таксама: «Его надо было как-то пропиарить»: брестская чиновница включила в туристический топ-3 региона контактный зоопарк
Уже в двух городах Беларуси подали тепло в объекты первой очереди. BGmedia узнало, когда в…
Белстат опубликовал свежие данные о зарплатах: беларусы снова гадают, в какой стране живут. Кажется, официальная…
После капитального ремонта офис стал просторнее, но посетители жалуются: по часу и больше ждут в…
Новость о решении проблемы с пылью от грунтовой дороги с помощью знака 40 км/ч вызвала…
У Столинского аграрно-экономического колледжа высадили туи, но внимание привлекла не сама посадка, а их форма.…
После серии публикаций BGmedia о грязи и антисанитарии на площади Свободы и улице Гоголя власти…