Быхаў знаходзіцца на Дняпры, але свайго нармальнага гарадскога пляжа тут фактычна няма — жыхарам прапануюць купанне ў іншых месцах, часта не самых зручных.
Зарослы пляж у Быхаве.
Быхаўская раённая газета апублікавала спіс афіцыйна дазволеных месцаў для купання ў новым сезоне. Сітуацыя, з аднаго боку, выглядае добрай: вадаёмы падрыхтаваныя, дно абследаванае, адпачываць можна. Але ёсць нюанс, які для жыхароў райцэнтра даўно не новы — у самім Быхаве паўнавартаснага гарадскога пляжа на Дняпры няма.
Чытайце таксама: Четвероногим вход воспрещен: в Бресте напомнили о запрете отдыхать с животными на городских пляжах
У пераліку дазволеных месцаў адзначана пяць лакацый: «Возера №86», Дубкі, сажалка на вуліцы Меліяратараў, Чыгірынскае вадасховішча і ўчастак Дняпра каля Новага Быхава. Фармальна рака ў спісе прысутнічае. Фактычна — не ў горадзе.
Для Быхава, які стаіць на Дняпры, гэта выглядае як мінімум нязвыкла, заўважае «Магілёў.медыя».
Стары гарадскі пляж у Быхаве існаваў. Ён знаходзіўся прыкладна за кіламетр ад горада, там быў пясок і базавая інфраструктура. Гэта было зразумелае месца, куды можна было дайсці, а не ехаць. Потым пляж перанеслі ў Дубкі.
Для ўладальнікаў аўтамабіляў дабрацца туды нескладана. Але для бацькоў з малымі дзецьмі, пенсіянераў або тых, хто проста хоча пасля працы дайсці да вады пешшу, розніца вельмі адчувальная. Пляж перастаў быць гарадскім у нармальным сэнсе гэтага слова.
Пры гэтым прыкметна, што ў Быхаве ахвотна знаходзяцца рэсурсы на помнікі, памятныя знакі і іншыя паказальныя аб’екты.
Асобная гісторыя — памятны знак памежнікам усіх пакаленняў, які ўрачыста адкрылі ў Быхаве ў 2022 годзе, хоць сам горад ніколі не быў памежным. Тлумачэнне тут, відаць, больш пра паказальнасць, чым пра практычнасць: Кастрычніцкая плошча знаходзіцца фактычна пры ўездзе ў горад, таму менавіта тое, што бачыць начальства найперш, добраўпарадкоўваецца асабліва старанна.
У сетцы кожны ваш клік пакідае след, які могуць выкарыстаць супраць вас. Не дазваляйце нікому ператвараць вашыя інтарэсы ў крымінальныя справы. Уключайце BGlobal VPN — заставайцеся нябачнымі для старонніх вачэй.
Спасылка на падключэнне BGlobal VPN — тут
Калі ў людзей няма нармальнага, зручнага і бяспечнага месца для купання, яны ўсё адно будуць шукаць доступ да ракі самастойна. Гэта азначае стыхійныя спускі, неправеранае дно, адсутнасць ратавальнікаў і большыя рызыкі. Таму пляж — гэта не раскоша і не капрыз, а звычайная гарадская патрэба.
Калі ранейшае гарадское месца для купання было закрытае праз санітарныя, экалагічныя або іншыя прычыны, жыхарам было б карысна атрымаць афіцыйныя тлумачэнні. Пакуль жа для многіх быхаўчан застаецца актуальным пытанне доступу да зручнага гарадскога пляжа на Дняпры.
Чытайце таксама: Пляж з абяцанняў: чаму ў Оршы так і не з’явілася абяцанае добраўпарадкаванне
Жыхарка Слуцка яшчэ летась паказвала вялікую лужу каля гімназіі №2, але пасля новых дажджоў сітуацыя…
Сотні жыхароў Касцюковіцкага раёна прайшлі праз камісіі, атрымалі прапановы і «прафілактыку», але да сапраўднай працы…
У адным з дамоў Бабруйска, дзе нядаўна завяршыўся капрамонт пад’езда, жыхары ўжо праз месяц заўважылі…
Яму на дарозе на скрыжаванні Савецкай і Гогаля пракаментаваў намеснік дырэктара «Бабруйскводаканала» Станіслаў Паўлоўскі.
Некоторые считают, что деньги стоило направить на более проблемные участки города, которые асфальта не видели…
На вуліцы Чычурына мінчане заўважылі, што сад, які радаваў людзей, парадзеў і застаўся без прыгожых…