Чыноўніца з Лёзна запрасіла пытанні ў TikTok, але не адкрыла каментары на сваёй старонцы

Намесніца старшыні Лёзненскага райвыканкама Марына Фалібога-Петухова нечакана стала гераіняй камедыі, дзе галоўны сюжэтны паварот — уласная ж памылка яе самой.

Чытайце таксама: В Брестском облисполкоме открыли музей зубров. О том, как туда попасть обычному человеку, чиновники не сказали

Напрыканцы лістапада чыноўніца выклала ў TikTok відэа, у якім ветліва прапанавала землякам: маўляў, пішыце, сябры, свае пытанні, не саромейцеся, я адкрыта да размовы! Гучала ўсё гэта, трэба прызнаць, вельмі сучасна: улада выходзіць у інтэрнэт, каб пачуць голас простых людзей. Усе чакалі, што простых людзей пачуюць.

Але замест дыялогу сталася незразумелая цішыня. Дні ішлі, а ў каментарах так нічога не з’явілася. Ніводнай заўвагі, ніводнага пытання, нават звычайнага «дзякуй за магчымасць выказацца».

@m_masha8♬ оригинальный звук — Марина Фалибога 🇧🇾

І толькі праз час высветлілася, што каментары пад відэа былі адключаныя самою Марынай Уладзіміраўнай (ці, магчыма, яна проста забыла іх уключыць).

Марына Фалібога-Петухова працуе на пасадзе намесніцы старшыні райвыканкама з мая гэтага года і адказвае за сацыяльную сферу. А паколькі сацыяльная сфера — гэта пра зносіны з людзьмі, застаецца спадзявацца, што ў рэальным жыцці каментары яна ўсё ж не адключыць.

Магчыма, наступны ролік у TikTok будзе ўжо з адкрытым акном для пытанняў. А пакуль жыхары Лёзна ўсё яшчэ чакаюць магчымасці выказацца хоць дзесьці, акрамя кухні.

Чытайце таксама: Чиновники заверили, что зимой и весной свежих овощей хватит — их будут выращивать в Беларуси