Дзікія жывелы робяць трасу М1 усё больш небяспечнай. Што рабіць кіроўцам?

Паводле інфармацыі УУС Брэсцкага аблвыканкама, у Бярозаўскім раёне адбылося дарожна-транспартнае здарэнне. А восьмай вечара кіроўца «Volkswagen» рухаўся па аўтадарозе М1/Е30 «Брэст-Мінск-м.РФ» у бок Брэста. На 123 кіламетры кобрынец не справіўся з кіраваннем: аўтамабіль сутыкнуўся з лосем, што выбег на дарогу. У выніку ДТЗ кіроўцу гаспіталізавалі.

Чытайце таксама: У Талочыне інспектары ДАІ з’елі аленя і атрымалі вялізны штраф

Праблема трасы М1

Рост колькасці дарожна-транспартных здарэнняў з удзелам дзікіх капытных жывёл застаецца адной з галоўных праблем бяспекі дарожнага руху ў Беларусі. Галоўныя прычыны — рост аўтатрафіку і павелічэнне папуляцыі лася і казулі, якія часта выходзяць на дарогу.

Брэсцкая траса М1 (Е30) Брэст (Казловічы) – Мінск – мяжа Расійскай Федэрацыі — у тройцы лідараў па колькасці ДТЗ з жывёламі. За 2025 год па колькасці здарэнняў яна «абагнала» трасы М4 Мінск – Магілёў (0,55) і М5 Мінск – Гомель (0,42).

Рэкамендацыі для кіроўцаў

Дзяржінспекцыя аховы жывёльнага і расліннага свету вылучыла шэраг рэкамендацый, каб пазбегнуць ДТЗ з жывёламі:

1. Сцеражыцеся і выконвайце Правілы дарожнага руху, асабліва на ўчастках з абмежаваннем хуткасці.
2. Зніжайце хуткасць ў зоне знака «Дзікія жывёлы», асабліва ў цемры (ад 1 гадзіны пасля заходу да 1 гадзіны да ўсходу сонца).
3. Будзьце ўважлівыя вясной (красавік–чэрвень) і восенню (кастрычнік–снежань), пры дрэннай бачнасці, а таксама на дарогах побач з лесам ці кустамі.
4. Сутыкнення можна пазбегнуць: калі дзікая жывёла на дарозе або абочыне — неадкладна зніжайце хуткасць да магчымасці экстранага тармажэння.
5. У начны час: калі жывёла апынулася ў прамяні фар — яна можа быць спалоханая і часткова асляплёная. Лепш спыніцца, выключыць далёкае святло (але пакінуць габарытныя агні) і ўключыць аварыйку, каб даць жывёле магчымасць адысці.
6. Нельга самавольна лавіць, раздзяляць, транспартаваць або выкарыстоўваць тушкі дзікіх жывёлаў (мяса, шкуру, рогі і інш.).

Читайте также: «Хичкок отдыхает»: брестчане отреагировали на официальный ответ властей о проблеме птиц в городе

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро