«Гэта найлепшы дзень за дзевяць год!» У Мінску загарэлася школа

16 верасня ў сталічнай школе ўзнік пажар. Узгаранне зафіксавала сістэма перадачы апавяшчэнняў аб надзвычайных сітуацыях «Молнія». Аб гэтым паведамілі ў Telegram-канале МНС Беларусі.

Па словах МНС, а 12:24 на нумар 112 паступіла паведамленне пра ўзгаранне ў сярэдняй школе №30 на вуліцы Жукоўскага. Да месца выкліку аператыўна накіраваліся падраздзяленні МНС.

Пасля прыбыцця пажарнай службы ў сталовай школы пабачылі моцнае задымленне. Падчас разведкі супрацоўнікі МНС выявілі ўзгаранне столевай свяцільні і нацяжной столі на плошчы 1 кв.м.

Ніхто з прысутных не пацярпеў. Са школы эвакуавана 1432 дзяцей і 98 дарослых. Прычына здарэння высвятляецца.

Многія навучэнцы школы радасна адрэагавалі на падзею. На адным з відэа эвакуацыю жартаўліва называюць «сходкай». «Гэта найлепшы дзень за ўсе дзевяць год у гэтай школе», – пішуць школьнікі ў сацсетках пад відэа з падзеяў.

@china_forever5 ЭТО БЫЛ МЕГА УГАР. всем спасибо, кто пришел на мою сходку! #школа #огонь #fyp #пожар ♬ оригинальный звук — Советский воин

Па тэме ўзгарання з’явілася шмат іншых каментароў. Прыводзім самыя цікавыя з іх.

«Затое без тэлефонаў».

«Адзіная сігналка, якая не была вучэбнай».

«У школе забароненыя тэлефоны», – піша дзяўчына. А ёй адказваюць: «І тут яны цудам ва ўсіх з’явіліся».

«Мы тады ўсе стаялі і маліліся, каб пасля гэтага адпусцілі дадому», – піша адзін з вучняў мінскай школы. «А ў выніку не адпусцілі», – адказаў яму іншы.

Аўтар роліка таксама пажартаваў на гэтую тэму: «А ці выганяць мяне са школы за гэтае відэа?». І атрымаў такі адказ: «Нават калі будуць наступствы, цябе запомняць, як героя».

Чытайце таксама: «Какая первая мысль? Что нас бомбят!» Чиновники «подарили» брестчанам салют, который их напугал и разбудил