На Гомельшчыне ад прыватных кампаній патрабуюць «ідэалагічную папку» і планы прапаганды — пасля таго як новыя правілы закранулі бізнес усіх форм уласнасці.
Сустрэча "прыватнікаў" з чыноўнікамі ў Лельчыцах. Фота: "Светлае жыццё"
У адным з раёнаў Гомельскай вобласці ўлады правялі сустрэчу з прадстаўнікамі прыватнага бізнесу, пасля якой узніклі пытанні пра тое, ці павінны камерцыйныя кампаніі ўдзельнічаць у дзяржаўнай ідэалагічнай працы.
Чытайце таксама: «Рускі мір будзе захопліваць усё больш прасторы»: Вадзім Мажэйка — пра новыя консульствы РФ у рэгіёнах Беларусі
Гаворка ідзе пра сустрэчу ў Лельчыцкім райвыканкаме, дзе прадпрымальнікаў сабралі на мерапрыемства пад кіраўніцтвам намесніцы старшыні выканкама Наталлі Шышканавай. На навіну звярнула ўвагу медыя «Флагшток».
Тэмай размовы сталі пасяджэнні інфармацыйна-прапагандысцкіх груп і так званыя сучасныя падыходы да развіцця рэгіёна — ад эканомікі да сацыяльнай інфраструктуры.
Такія выступленні звычайна праходзяць у рамках «Адзінага дня інфармавання», калі ідэолагі выступаюць перад супрацоўнікамі дзяржаўных прадпрыемстваў і ўстаноў. Аднак цяпер, паводле паведамленняў, падобную працу ўсё часцей спрабуюць распаўсюджваць і на прыватныя кампаніі.
Падчас сустрэчы прадпрымальнікам не толькі прачыталі лекцыю, але і агучылі шэраг пытанняў, на якія, паводле мясцовых уладаў, варта звярнуць увагу. Сярод іх:
Акрамя гэтага, прадпрымальнікам параілі сачыць за наяўнасцю дзяржаўнай сімволікі, абнаўляць інфармацыю на стэндах і карыстацца афіцыйнымі каналамі сувязі з уладамі. Асобна прагучала патрабаванне весці так званую «папку ідэалагічнай працы» — з актуальнымі матэрыяламі і графікам правядзення інфармацыйных сустрэч.
Сітуацыя змянілася з прыняццем Дырэктывы № 12 «Аб рэалізацыі асноў ідэалогіі беларускай дзяржавы», якая пачала дзейнічаць у ліпені 2025 года. Калі раней ідэалагічная вертыкаль была абавязковай толькі для дзяржаўнага сектара, то новы дакумент прама распаўсюджвае гэтыя патрабаванні на суб’екты гаспадарання ўсіх формаў уласнасці.
Згодна з Дырэктывай, кіраўнікі прыватных кампаній зараз нясуць персанальную адказнасць за арганізацыю ідэалагічнай працы, удзел работнікаў у прадзяржаўных прафсаюзах і наяўнасць планаў інфармавання. У кантэксце апошніх падзеяў дзеянні мясцовых уладаў у Лельчыцах — прамое выкананне агульнарэспубліканскага нарматыўнага акта, які фактычна ліквідаваў прававую дыстанцыю паміж дзяржаўным і прыватным бізнесам у пытаннях дзяржаўнай прапаганды.
Рэгіянальныя СМІ ўсё часцей паведамляюць пра падобныя сустрэчы ў розных райцэнтрах. Калі раней ідэолагі на прыватных прадпрыемствах успрымаліся як нешта неабавязковае, то пасля прыняцця Дырэктывы № 12 гэта стала новым прававым стандартам. Цяпер статус «прыватніка» больш не дае імунітэту ад дзяржаўнай прапаганды: ад кампаній чакаюць не проста лаяльнасці, а канкрэтнай «ідэалагічнай папкі» з графікамі сустрэч і справаздачамі.
Чытайце таксама: «Нейкае напружанне ў паветры пачало навісаць». Як дырэктар адной беларускай кампаніі агітаваў удзельнічаць у вайне
Беларусам прапанавалі дасылаць прапановы па зменах у падатковы кодэкс. У адказ у каментарах пачалося актыўнае…
На утро 20 марта у правозащитников не было ни одного подтверждения, что домой вернулся хотя бы кто-то из списка…
В центре Бреста готовят новый туристический объект у реки. Проект стартует с кафе, но подробностей…
Жительница Ивацевичского района требовала у знакомой деньги, угрожая слить интимные фото и видео. История, которая…
В прокуратуре заявили, что «своими необдуманными действиями он подвергал опасности не только себя, но и…
В феврале чиновники не имели претензий к Оксане Савчук и выражали ей благодарность, а уже…