Уладальнік рытуальнага агенцтва з Глуска ўсталёўвае вароты і агароджы на могілках без аплаты, закрываючы праблемы, якія не вырашае дзяржава.
Прадпрымальнік Аляксандр Нікіцін, што ўпарадкоўвае могілкі ў раёне. Фота: www.glusk.by
У абвешчаны ўладамі Год добраўпарадкавання беларусам часта даводзіцца наводзіць парадак самастойна. Адзін з такіх прыкладаў — Глускі раён, дзе мясцовы прадпрымальнік Аляксандр Нікіцін за ўласныя сродкі ўпарадкоўвае могілкі і памятныя месцы, не патрабуючы за гэта ніякай аплаты.
Чытайце таксама: У Аршанскім раёне — новыя акты вандалізму на могілках. Улады маўчаць, а людзі абураныя
Уладальнік рытуальнага агенцтва «Мемарыял-2» з Глуска па ўласнай ініцыятыве нядаўна ўсталяваў новыя вароты на могілках у вёсцы Хваставічы. Працы былі выкананыя цалкам за яго кошт.
Старшыня мясцовага сельвыканкама адзначае, што гэта далёка не першы выпадак, калі прадпрымальнік звяртае ўвагу на праблемы ў сферы пахаванняў і бязвыплатна дапамагае іх вырашаць. Раней ён удзельнічаў у перазахаванні астанкаў дзяцей, якія загінулі ў гады Другой сусветнай вайны, на Мыслачанскай гары, а таксама ўсталяваў новую агароджу могілак у вёсцы Карніца.
Акрамя таго, на тэрыторыі іншага сельсавета, на месцы спаленай у вайну вёскі Восы-Калёсы, мецэнат за ўласныя сродкі вырабіў і ўсталяваў памятную пліту.
Тым часам праблемы з утрыманнем могілак у Глускім раёне застаюцца актуальнымі. Раней мясцовыя медыя паведамлялі пра выпадкі крадзяжу металічных крыжоў з могілак у самім Глуску, а таксама ў вёсках Барбарава і Падлужжа. Адна з жыхарак, якая сутыкнулася з гэтым, звярнулася да камунальных службаў з просьбай навесці парадак.
Аднак у «Жылкамунгасе» заявілі, што не маюць магчымасці вырашыць праблему сістэмна: у штатным раскладзе не прадугледжана асобнай стаўкі работніка, які б займаўся доглядам могілак. У канкрэтных выпадках сітуацыю ўдавалася вырашыць толькі пасля ўмяшання міліцыі.
Праблема ж час ад часу ўзнікае зноў — асабліва тады, калі растуць цэны на метал. Гэта падштурхоўвае некаторых здаваць украдзеныя элементы на металалом.
Чытайце таксама: Пляж з абяцанняў: чаму ў Оршы так і не з’явілася абяцанае добраўпарадкаванне
Быховскую скульптуру, вызвавшую волну насмешек и возмущения, отправили на доработку. Но вопросов к автору и…
Урад плануе паступова скарачаць субсідыі на ЖКГ і пераглядаць тарыфы кожны квартал. Беларусы ўжо абмяркоўваюць…
Долгие годы стотысячный город жил без дежурных фармацевтов. Теперь купить лекарства ночью можно три раза…
Мужчыну не спадабаліся рогі, зоркі на грудзях намаляванага персанажа і надпіс men па-англійску. Але ў…
«Евроопт» опубликовал вакансии в Бресте с зарплатами до 2 140 рублей — в комментариях горожане…
БелЖД вводит ежедневные поезда бизнес-класса до Минска и Барановичей. Жители рады, но жалуются на логистику…