У Кастрычніцкім раёне Магілёва каналізацыя затапіла падвал жылога дома. Жыхары скардзяцца на моцны пах і кажуць, што ЖРЭУ не вырашае праблему.
Падвал у доме ў Магілёве, у Кастрычніцкім раёне
Жыхар аднаго з дамоў у Кастрычніцкім раёне Магілёва на вуліцы Сіманава апублікаваў у TikTok відэа, на якім паказаў стан падвала пасля затаплення каналізацыйнымі адходамі. Па словах мужчыны, праблема з’явілася каля двух месяцаў таму, а звароты ў камунальныя і дыспетчарскія службы пакуль не прынеслі выніку.
Чытайце таксама: У Магілёве з-за будоўлі жыхарам перакрылі праход да дамоў. Людзі кажуць, што ЖЭУ не рэагуе на скаргі
На відэа бачна, што падвальнае памяшканне запоўнена цёмнай бруднай вадой. Падлога фактычна пакрытая слоем каналізацыйных адходаў, а па праходзе паміж сценамі даводзіцца літаральна ісці па лужынах. У некаторых месцах вада працягвае цячы, утвараючы новыя патокі. Аўтар роліка таксама адзначае, што ў падвале стаіць моцны непрыемны пах.
@homanau #купжрэооктябрьскогорайона#могилев#симонова10#рек#помогите ♬ оригинальный звук — А
Мужчына сцвярджае, што звяртаўся ў рэспубліканскую службу 115.бел, куды адправіў фота і відэа сітуацыі. Паводле яго слоў, раней камунальныя службы паведамлялі, што праблема нібыта вырашана, аднак на самой справе ў падвале ўсё застаецца ў тым жа стане.
«Падвальнае памяшканне. Відаць, што тут адбываецца. Смурод невыносны, зайсці нельга. Пішуць, што ўсё добра, дзякуй ім. Чуваць, што цячэ. Усюды ўсё ў брудзе. За што мы плацім? Каля двух месяцаў таму гэтага не было», — кажа жыхар на відэа.
Ён дадае, што пасля свайго чарговага агляду падвала зноў накіраваў паведамленне ў 115.бел і прыклаў новыя відэа і фатаграфіі, каб зафіксаваць стан падвала. Аўтар відэа спадзяецца, што пасля публікацыі роліка ў сацыяльных сетках на праблему звернуць увагу і яе нарэшце вырашаць.
Чытайце таксама: Смеццевы калапс у Магілёве: кантэйнеры перапоўненыя ўжо некалькі дзён
У Чубакова мядзведзь прыйшоў на падворак і пашкодзіў некалькі вулляў. Мясцовыя распавядаюць пра іншыя сустрэчы…
Помимо Оршанского мясоконсервного комбината, к агрокомбинату «Дзержинский» планируют присоединить еще два предприятия — птицефабрику и…
Люди спрашивают: если прокуратура заинтересовалась песком, то почему бы не разобраться, почему легально купить песок…
Жительница Барановичей нашла мастера для ремонта гаража через интернет, но вместо работы потеряла круглую сумму.…
З 1 кастрычніка ў Беларусі адкрываецца сезон палявання на рысь. Забіць адну жывёлу каштуе 200…
Горячую воду отключат с 5 по 9 октября. Получается, пинчане дождались и Дня города, и…