Аферысты паведамляюць беларусам пра крымінальны пераслед за «экстрэмісцкую дзейнасць» і выманьваюць грошы.
Ілжэсупрацоўнікі праваахоўных органаў
Махляры ў Беларусі вынаходзяць новыя спосабы выманьвання грошай. Улічваючы працяглыя жорсткія рэпрэсіі ў краіне і страх грамадзян перад так званымі праваахоўнымі органамі, яны пачалі ціснуць на беларусаў, прадстаўляючыся супрацоўнікамі Камітэта дзяржкантролю.
Чытайце таксама: У Беларусі ліквідуюць вядомы сэрвіс па продажы квіткоў. Следства прыцягнула «палітычны» артыкул
Аферысты тэлефануюць людзям праз мэсэнджары і паведамляюць, што з іх банкаўскіх рахункаў нібыта ажыццяўлялася фінансаванне экстрэмісцкіх фармаванняў, узброенных сілаў замежных дзяржаваў ці іншай «антызаконнай дзейнасці». Аб гэтым паведаміла БЕЛТА са спасылкай на Камітэт дзяржкантролю (КДК).
Пасля такой маніпуляцыі махляры прапануюць грамадзянам «задэклараваць» свае грашовыя зберажэнні праз перавод на нібыта «бяспечны рахунак». Дадаткова яны прапануюць падпісаць дакументы аб неразгалошванні інфармацыі, каб стварыць уражанне, што гэта сапраўдныя супрацоўнікі КДК.
Сёлета фіксаваліся падобныя выпадкі: аферысты прадстаўляліся супрацоўнікамі КДБ і пагражалі завесці крымінальную справу, калі чалавек не перавядзе грошы на іншы рахунак «для адкупу». Пра гэта інфармавалі на сайце Следчага Камітэта.
КДК папярэдзіў, што праваахоўныя і іншыя дзяржаўныя органы ніколі не просяць пераводзіць грошы на «бяспечныя рахункі» ці банкаўскія карткі трэціх асобаў.
«Калі вам патэлефанавалі з такой прапановай, ведайце: гэта — махляры. У такіх выпадках трэба неадкладна абмеркаваць дадзеную сітуацыю з родзічамі і блізкімі людзьмі. Не ўсталёўвайце па іх просьбе праграмы на тэлефон ці камп’ютар, не раскрывайце сваіх канфідэнцыйных дадзеных, ні ў якім разе не пераводзьце свае грошы невядомым асобам. Калі вы сталі ахвярай махляроў — неадкладна звярніцеся ў органы ўнутраных справаў. У выпадку, калі махляры прадстаўляюцца супрацоўнікамі органаў Камітэта дзяржкантролю, паведамьце аб гэтым дзеля ўласнай бяспекі ў КДК», — адзначылі ў ведамстве.
Чытайце таксама: Які ты тып беларусаў за мяжой? Тэст для сваіх
На Гомельшчыне жыхароў заклікаюць здаваць бяздомных жывёл у службы адлову. Пагрозы штрафамі за іх кармленне…
Жыхарка Пінска не змагла сесці ў некалькі аўтобусаў праз іх перапоўненасць школьнікамі і спазнілася на…
В Беларуси сохраняются проблемы с бездомными собаками, жестоким обращением с животными и не только. Северные…
Жыхарка Брэста сцвярджае, што ёй не працягнулі бальнічны па даглядзе за захварэлым дзіцем, бо вычарпаны…
В 2026 году в Барановичах планируют отремонтировать 19 жилых домов. У местных жителей есть вопросы…
Жыхарка Гомеля сцвярджае, што зламала руку каля ўваходу ў «Еўраопт» і цяпер спрабуе праз суд…