Медык з Віцебскай вобласці паказала аварыйнае жыллё і паскардзілася на бяздзеянне райспажыўтаварыства

Медык з Віцебскай вобласці Юлія Мухіна апублікавала ў TikTok два відэа, у якіх паказала стан жылля, якое знаходзіцца на балансе Сенненскага райспажыўтаварыства. На кадрах відаць, што ў адным з пакояў абвалілася падлога, а драўляныя канструкцыі пад ёй згнілі. Паводле слоў дзяўчыны, звароты ў арганізацыю выніку не далі, а людзям даводзіцца жыць у такіх умовах далей.

Чытайце таксама: «В комнате, в принципе, можно жить». Корреспонденты госТВ заселились в Борисове в гостиницу с клопами

У адным з пакояў абвалілася падлога, а драўляныя канструкцыі пад ёй згнілі

@muha.89Сенненское Райпо,все приходится делать самим,никому нет дела ,как живут люди ! Обращений было очень много ,реакций ноль!♬ оригинальный звук — Люля😚

У першым роліку Юлія паказвае праваленную падлогу і расказвае, што дом знаходзіцца на балансе Сенненскага райспажыўтаварыства: «Вось так вось абвалілася падлога. Маё звароты у райспажыўтаварыства, дом знаходзіцца на балансе Сенненскага райспажыўтаварыства. Мне ніякіх адказаў, канешне, не паступае. Але ж так жыць нельга. І гэта не адзін пакой такі, ёсць другія. Ніхто, карацей, не варушыцца. Вось так вось даводзіцца жыць людзям».

У другім роліку яна паказвае стан канструкцый пад падлогай у другiм пакоі: «Што раней, што цяпер будаўніцтва заўсёды было аднолькавым. Будавалі з лайна і палак. Тое самае, без адзінага цвіка. Проста яго тут увогуле няма. Усё на цэглінках і на такіх палках. Усе бэлькі мокрыя, згнілыя. Тут усё труха. І вось так гэта выглядае цяпер».

Каментатары палічылі сітуацыю небяспечнай: «Дом у цэнтры горада, а выгляд жудасны. Куды глядзіць адміністрацыя горада? Аварыйная сітуацыя».

Іншыя адзначалі, што праблема наспявала даўно: «Нічога новага. Гэтыя падлогі сваё аджылі, патрэбныя новыя».

Некаторыя каментатары сумняваліся, што ад уласніка жылля атрымаецца дамагчыся рамонту: «Юля, ужо райспажыўтаварыства існуе толькі на другім паверсе магазіна «Кантынент» у Сянно. Усе крамы ў горадзе закрыты, бар, кавярню «Вернісаж», більярдны бар таксама закрылі. Ужо другое лета моладзь адпачывае літаральна «пад кустамі». Ты бачыла ролік пра гасцініцу і яе нумары? Ніхто табе рамонт рабіць не будзе, калі гэта ўласнасць райспажыўтаварыства. Хутчэй могуць выставіць аб’ект на продаж, як зараз зрабілі з гасцініцай».

На гэта аўтар відэа адказала: «Я ўсё гэта ведаю. Там ніхто не можа нічым мне дапамагчы. Разбірайся сама».

У сетцы кожны ваш клік пакідае след, які могуць выкарыстоўваць супраць вас. Не дазваляйце ператвараць вашыя інтарэсы ў крымінальныя справы. Уключайце BGlobal VPN — будзьце нябачныя для старонніх вачэй.

Спасылка на падключэнне BGlobal VPN – тут

Чытайце таксама: «Уходят опытные и подготовленные врачи». О нехватке кадров и других трудностях в медицинской сфере

У траўнi беларуска апублікавала ў TikTok агляд нумара ў гатэлі ў Сянне

Рэдакцыя раённай газеты «Голас Сенненшчыны» на публікацыі Юліі пакуль што ніяк не адрэагавала. Хаця праблема выглядае далёка не новай: паводле слоў аўтаркі відэа, звароты ў райспажыўтаварыства накіроўваліся неаднаразова, а стан падлогі сведчыць пра тое, што разбурэнне канструкцый адбывалася не адзін месяц і нават не адзін год.

Нагадаем, у траўнi беларуска апублікавала ў TikTok агляд нумара ў гатэлі ў Сянне. «Як думаеце, колькі ноч каштуе? Нумар у гатэлі Сянно. Затое выгляд з акна на прыгожы горад. Годна)?» — падпісала яна ролік.

Мяркуючы па кадрах, сярод сумнеўных плюсаў — толькі выгляд на будынак мясцовага райвыканкама. Усё астатняе нагадвала альбо дэкарацыі да савецкага фільма, альбо фільм жахаў.

На інвестпартале ўладаў Беларусі ёсць паведамленне, што ЖКГ Сянна гатова прадаць гатэль за 150 тысяч даляраў.

Чытайце таксама: «Тут яшчэ павінны даплачваць». Беларусы ў шоку ад гатэля ў Сянне з выглядам на райвыканкам