Многіх беларусаў раздражняе рэклама казіно, але дзяржава з гэтым нічога не робіць

За апошнія гады колькасць рэкламы казіно, латарэй узрасла ў разы. Рэкламныя банеры і ролікі сустракаюцца літаральна паўсюль — у метро, падземных пераходах, пад’ездах і нават на фасадзе Нацыянальнай бібліятэкі. Гэта ўжо даўно стала тэмай абмеркавання як сярод беларусаў, так і сярод турыстаў, якія са дзіўленнем адзначаюць такую «папулярнасць» азартных забаў у краіне.

Чытайце таксама: Голуби поссорили брестчан: почему обычная кормежка на Гоголя превратилась в «яблоко раздора»?

Згодна з інфармацыяй, размешчанай на афіцыйным сайце Нацыянальнай бібліятэкі Беларусі, сярэдні кошт размяшчэння лагатыпа кампаніі ў рэкламным блоку складае 146 беларускіх рублёў за хвіліну дэманстрацыі. Набыць такую рэкламу можа любы бізнес, дзейнасць якога не забароненая ў краіне. Гэтым і скарысталіся казіно і букмекерскія кампаніі — Belbet, Fonbet, Betera і іншыя.

BGmedia ўжо пісала пра тое, што многіх беларусаў абурыла, што адміністрацыя бібліятэкі дазваляе трансляцыю падобнай рэкламы на будынку, які лічыцца адным з галоўных культурных сімвалаў краіны. У каментарыях пад тэматычнымі відэа ў TikTok людзі адзначаюць, што рэкламныя ролікі дэманструюцца на працягу ўсёй ночы.

Чытайце таксама: На Нацыянальнай бібліятэцы рэклама казіно. Што кажуць людзі

Карыстальнікі выказваюць меркаванне, што бібліятэцы больш пасавала б рэклама кніг, літаратурных навінак або культурных мерапрыемстваў. Некаторыя нагадваюць: калісьці сродкі на будаўніцтва гэтай установы збіралі «усім народам», а цяпер на ёй паказваюць рэкламу, якая выглядае недарэчна і супярэчыць культурнаму статусу будынка.

@365bel 🎰 Национальная библиотека Беларуси превратилась в щит для рекламы казино. Беларусы возмущены рекламой казино и беттинговых контор на Национальной библиотеке. Пользователи TikTok замечают, что яркие баннеры крутятся всю ночь напролет. Цена такой рекламы немаленькая — 146 рублей за минуту, и купить ее может любая компания, имеющая лицензию регулятора Беларуси. Мнения людей под подобными видео однозначные: библиотека — это культурное место, и ей больше подошли бы афиши новых книг, произведений писателей или анонсы культурных мероприятий. Но вместо этого фасад крупнейшего культурного объекта страны превратился в экран для рекламы ставок. «Нет бы культуру транслировать, письменников. Так нет, казино. Гениально! Лучше места не нашлось». «Мы все вместе строили, чтобы ехать и «любоваться» на рекламу казино». «Где-то в ней мои 20.000 белок старыми деньгами инвестированные», — пишут беларусы в соцсетях. #минск #беларусь #беларусьсейчас #новостибеларуси ♬ original sound — 365bel

Што раздражняе беларусаў у рэкламе

Міністэрства антыманапольнага рэгулявання і гандлю (МАРГ) перыядычна праводзіць даследаванне грамадскай думкі пад назвай «Народны кантроль», каб высветліць, якія з’явы найбольш раздражняюць насельніцтва. І хаця небяспечныя для ўлады тэмы звычайна не закранаюцца, часам атрымліваюцца дзіўныя вынікі — калі, спрабуючы знайсці вінаватых, чыноўнікі міжволі паказваюць на саміх сябе.

Апошні прыклад — апытанне пра тое, якая рэклама выклікае найбольшае раздражненне. Паводле вынікаў, безумоўным «лідарам народнай нелюбові» стала панавязлівая рэклама азартных гульняў і латарэй — яна непрыемная для 85,7% апытаных. На другім і трэцім месцы — рэклама піва і моцнага алкаголю (прыкладна па 32%).

Такім чынам, у краіне, дзе праблема алкагалізму дасягнула крытычнага ўзроўню, грамадства яшчэ больш раздражняе не алкагольная, а азартная рэклама, як піша Petitions.pro.

Як рэагуюць улады

Здавалася б, з гэтай з’явай трэба змагацца. Але вынікі гэтай «барацьбы» выглядаюць абсурдна. Так, МАРГ сапраўды аштрафаваў кампанію «Бізон Бет» за рэкламу з надпісам «Анлайн-казіно. Стаўкі на спорт. Лепшы букмекер Беларусі 2024».

Прычына штрафу, аднак, была не ў самой наяўнасці рэкламы, а ў тым, што ў ёй выкарыстоўваліся словы ў найвышэйшай ступені, якія «стварылі ўражанне перавагі перад іншымі кампаніямі». Суд падтрымаў МАРГ і наклаў штраф у памеры 10 базавых велічынь — каля 400 беларускіх рублёў. На гэтым «справядлівасць» і скончылася.

Каму належыць гэты бізнес: вынікі расследвання

Калі паглядзець глыбей, становіцца зразумела, чаму рэкламу азартных гульняў ніхто не спяшаецца абмяжоўваць. Большасць латарэй і анлайн-гульняў у Беларусі належаць двум дзяржаўным структурам:

• «Беларускія латарэі», якія ўваходзяць у структуру Упраўлення справамі прэзідэнта,
• «Нацыянальныя спартыўныя латарэі», заснаваныя Міністэрствам спорту і турызму.

Пры гэтым тая ж анлайн-платформа Belbet працуе як сапраўднае віртуальнае казіно, але, паводле расследавання Беларускага расследвальніцкага цэнтра, дзейнічае па правілах, якія не распаўсюджваюцца на традыцыйныя азартныя гульні.

Такім чынам, атрымліваецца, што бізнес, які прыносіць пакуты людзям, разбурае сем’і і спакушае дзяцей, на самой справе належыць дзяржаве. І рэкламуецца ён паўсюдна — з яе ж дазволу. Гэта не памылка сістэмы, а асаблівасць дзяржаўнай палітыкі.

Чытайце таксама: «Як жа я памылілася»: жыхарка Наваполацка распавяла пра хамства гінеколага ў дзяржаўнай клініцы

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро