Беларуска набыла курыцу ў «Еўраопце», але атрымала скуру ды тлушч

Жанчына набыла мяса птушкі ў вядомай сеткавай краме «Еўраопт» і засталася незадаволеная: большую частку курыцы, якую ёй паклалі, склала скура і тлушч.

Чытайце таксама: Курыца ад «Дзяржынкі» зноў патрапіла пад шквал крытыкі. Гэтым разам праз вялікую колькасць скуры

На відэа жанчына эмацыйна каментуе сітуацыю: у пакеце аказалася некалькі частак курыцы, але «нармальнага мяса» — мінімум. Асобна яна паказала скуру і тлушч, якія, паводле яе слоў, ёй проста «накінулі» ў пакет. Яны ўзважыла суму пакупкі — тая склала 152 грама, што яшчэ больш абурыла пакупніцу.

Як адрэагавалі карыстальнікі

Публікацыя хутка разышлася па сетцы і сабрала дзясяткі каментароў.  У каментарах з’явіліся тыя, хто паставіўся да сітуацыі скептычна:

• «Дык не хадзіце ў “Еўраопт”. Я ўжо даўно туды не хажу. Прадаюць абы-што. Хіба не відаць адразу, што вам кладуць?».
• «Калі вам, як вы кажаце, “накінулі”, дык трэба было развязаць пакет у краме і там жа прад’явіць прэтэнзіі. Пакет жа празрысты! Адны псуюць, другія маўчаць, затое з тэлефонамі!».

Хтосьці звярнуў увагу, што праблема не ў самім «Еўраопце», а ў пастаўшчыках прадуктаў:

• «Уся курыца паступае ў крамы ўжо гатовай раздзелкай! У магазінах нічога з ёй рабіць нельга — толькі выкладваць на вітрыну. Тут прэтэнзіі толькі да пастаўшчыкоў!».

Некаторыя карыстальнікі пажартавалі з сітуацыі: «Гэта, напэўна, для коцікаў!», — адзначыў нехта з іроніяй.

Аднак былі і тыя, хто падтрымаў жанчыну і падзяліў яе абурэнне:

• «Усе такія разумныя — раяць вяртаць у краму. А калі “Еўраопт” у 30–50 кіламетрах? Людзі едуць у горад за пакупкамі, некаторыя — на аўтобусе ці электрычцы. А выкладваюць тут, бо загадчыкі крамаў і мясных аддзелаў таксама тут, сярод нас. Многія правераць сваіх “работнічкаў”. Яшчэ б указаць горад і вуліцу, дзе гэты магазін».
• «Ні разу не купляла мяса ў “Еўраопце” і ніколі не буду. Там мяса на мяса не падобнае».

Сітуацыя зноў узняла пытанне якасці мясной прадукцыі ў буйных гандлёвых сетках і таго, хто насамрэч нясе адказнасць — крама ці пастаўшчык. Афіцыйных каментароў ад сеткі «Еўраопт» пакуль не было.

Чытайце таксама: У адной з беларускіх крамаў падманваюць пакупнікоў: жанчына паказала, як завышаюць суму за мяса