У Пінскім раёне трактарыст разам са знаёмым прысвоіў 487 літраў дызельнага паліва. Абодвум прысудзілі абмежаванне волі і штрафы.
трактарыст скраў паліва, ілюстрацыйнае фота
Суд Пінскага раёна і Пінска разгледзеў крымінальную справу аб крадзяжы паліва з сельскагаспадарчага прадпрыемства. Двое мужчын прысвоілі 487,35 літра дызеля коштам 1159,89 рубля.
Чытайце таксама: Россия впервые начала ограничивать вывоз бензина в Беларусь: что произошло на границе
Адзін з абвінавачаных працаваў на прадпрыемстве трактарыстам-машыністам. За ім быў замацаваны трактар «Беларус-1221.3».
Падчас палявых і рамонтных работ у трактарыста заставаліся лішкі дызельнага паліва. Замест таго каб вярнуць яго прадпрыемству, мужчына вырашыў прысвоіць гаручае разам са знаёмым.
Пасля заканчэння змены трактарыст прыязджаў на службовым трактары ў загадзя абранае месца ў лесе. Там з дапамогай шланга яны пералівалі дызель з бака ў каністры.
Другі мужчына забіраў паліва, перавозіў яго і захоўваў у сябе дома. У выніку прадпрыемства страціла 487,35 літра дызеля.
У судзе абодва мужчыны прызналі віну, раскаяліся і кампенсавалі прадпрыемству нанесеную шкоду. Яны прасілі спыніць крымінальную справу, але суд усё ж прызначыў ім пакаранне.
Кожны атрымаў па два гады абмежавання волі без накіравання ва ўстанову адкрытага тыпу. Акрамя таго, абодвум прызначылі штрафы ў памеры 60 базавых велічыняў — па 2700 рублёў.
Такім чынам, штраф для кожнага з мужчын больш чым удвая перавысіў агульную суму шкоды, нанесенай прадпрыемству.
Суд таксама пастанавіў канфіскаваць рэчы, якія выкарыстоўваліся для крадзяжу паліва: шланг і 17 палімерных каністраў.
Прысуд пакуль не ўступіў у законную сілу. Яго можна абскардзіць або апратэставаць.
Чытайце таксама: Шклоўскі раён лідыруе. Але пакуль толькі ў крадзяжах паліва
В Бобруйске женщина пожаловалась на сырость и плесень в квартире после проблем с подвалом. Но…
Зоозащитники заявляют о десятках замученных щенков и закрытых дверях пункта отлова в Посеничах. Власти в…
Расіяне адкрылі для сябе Беларусь і Гродна — іх прысутнасць становіцца ўсё больш прыкметнай. У…
Специалист полагает, что власти намеренно заранее осваивают бюджеты, чтобы остановить любые будущие общественные протесты.
У Бабруйску да канца кастрычніка заставаўся бусел. Спецыялісты плануюць злавіць птушку і перавезці ў Асіповіцкі…
Беларуска пожаловалась на цены аренды в Полоцке и Новополоцке. Узнали, что предлагают на рынке и…