Паэтка распавяла пра важнасць выкарыстання беларускай мовы. Але па-расейску

Кацярына Стройлава — беларуская паэтка, член Беларускага саюза пісьменнікаў. У размове з дзяржаўным медыя дзяўчына распавяла пра сваё натхненне і творчасць на беларускай мове. Аднак, што цікава, так і не перайшла на беларускую мову.

Чытайце таксама: Прапагандыст узгадаў забарону беларускай мовы. Але толькі з боку палякаў

Карэспандэнт Беларускага тэлеграфнага агенцтва правёў інтэрв’ю цалкам па-расейску, хоць размова датычылася беларускамоўнай творчасці. Чаму быў зроблены такі прынцыповы выбар мовы — невядома. Але відавочна, што ў БЕЛТА нават у матэрыялах пра нашую культуру нацыянальная мова выкарыстоўваецца рэдка. На Дзень беларускага пісьменства 2025 года, які прайшоў у Лідзе, агенцтва апублікавала шэраг матэрыялаў пра свята. Аднак толькі два з іх былі напісаныя па-беларуску.

Пра што піша паэтка

Творы Кацярыны напісаныя на розныя тэмы. Сярод іх — аповеды пра Другую сусветную вайну, рэлігійныя творы (дзяўчына скончыла Тэалагічны факультэт БДУ), а таксама вершы па-беларуску, у якіх выражаецца любоў да прыроды і роднай зямлі. Свае вершы паэтка піша як для дарослых, так і для падлеткаў.

Сама Стройлава распавядае: «Я лічу, што ў беларускага аўтара павінна быць хоць якая творчасць на роднай мове. Нашая мова меладычная, цёплая. Часта яе чытаю ў іншых паэтаў і пісьменнікаў, і атрымліваю асалоду ад яе мяккасці».

За сваю творчасць Стройлаву ўзнагародзілі літаратурнай прэміяй «Адкрыццё» за кнігу «Цярністы шлях» за 2016 год.

Чытайце таксама:  «Я ганаруся, што выкладаю па-беларуску»: настаўніца адной са школ падзялілася сваім досведам у TikTok

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро