Беларуска паскардзілася на сітуацыю ў электрычцы пад Мінскам: пасажыр без прытомнасці ляжаў у вагоне амаль гадзіну

Беларуска апублікавала ў TikTok відэа пра інцыдэнт у прыгараднай электрычцы, якая ехала ў Мінск вечарам 22 траўня. Паводле яе слоў, у адным з вагонаў пасажыры заўважылі маладога чалавека, які ляжаў на падлозе без прытомнасці.

Чытайце таксама: «За што я плачу грошы?»: Беларус паскардзіўся ў TikTok на хуткасць інтэрнэту ад «Белтэлекама»

Жанчына кажа, што людзі адразу паспрабавалі дапамагчы — праверылі пульс, спрабавалі прывесці хлопца ў сябе, але ён не рэагаваў.

Пасля гэтага пасажыры вырашылі звязацца з машыністам праз кнопкі сувязі ў вагоне. Аднак, як сцвярджае аўтарка роліка, ніводная з іх не працавала.

«Націскалі некалькі разоў — сувязі не было», — расказала яна.

@moe_solnishko @Беларуская Чыгунка ♬ оригинальный звук — Настена

Тады людзі патэлефанавалі ў хуткую дапамогу, але, паводле слоў дзяўчыны, канкрэтных дзеянняў ім не падказалі, параіўшы звязвацца з супрацоўнікамі цягніка.

«Ён проста п’яны»

Пасля гэтага беларуска сама пайшла да кабіны машыніста. Паводле яе слоў, доўгі час ніхто не адкрываў, а потым выйшаў памочнік машыніста.

Менавіта яго адказ і абурыў пасажырку больш за ўсё.

«Мне сказалі, што ведаюць пра гэтага чалавека і што ён проста п’яны», — расказала аўтарка відэа.

Пры гэтым да Мінска заставалася яшчэ каля гадзіны дарогі.

Жанчына звярнула ўвагу, што ніхто не мог дакладна ведаць, што з чалавекам насамрэч адбываецца, а без медыцынскай дапамогі ён працягваў ляжаць у вагоне.

Чым усё скончылася — невядома

У каментарах пад відэа беларуска ўдакладніла, што выйшла раней за канчатковую станцыю і не ведае, чым у выніку завяршылася гэтая гісторыя. Паводле яе слоў, на той момант хлопец усё яшчэ знаходзіўся без прытомнасці.

У сацсетках многія падтрымалі дзяўчыну і падзякавалі ёй за тое, што яна не прайшла міма. Асобна людзі абмяркоўвалі непрацуючыя кнопкі сувязі ў вагонах, адзначаючы, што ў экстранай сітуацыі гэта можа каштаваць камусьці здароўя або нават жыцця.

Чытайце таксама: Беларускай чыгунцы не хапае кадраў у Гомельскай вобласці: каго шукаюць у Гомелі, Мазыры і Жлобіне

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро