Патоп у новым мікрараёне Віцебска: жыхары пакутуюць ад затопленага пад’езда

У новым мікрараёне Нікраполле ў Віцебску ўзнікла праблема з вадасцёкам, якая моцна турбуе жыхароў. Пад’езд аднаго з дамоў цалкам заліла вадой. Жыхарка, якая жыве ў гэтым доме, падзялілася сітуацыяй у TikTok, паказаўшы, што нават на верхніх паверхах пацёк дах, а ў ніжніх жыльцам даводзілася самастойна вычэрпваць ваду.

Чытайце таксама: Деревня на Витебщине осталась без воды из-за аварии на водонапорной башне  — чиновники сказали «ждать весны»

«Новы мікрараён Нікраполле, прашу максімальны рэпост. Дому няма і двух гадоў, другая вясна. І здараюцца вось такія патопы. Хто за гэта будзе адказваць? ЖЭА ці Віцебскі Домабудаўнічы камбінат, якія пабудавалі так пахабна дом. Не прадугледзелі ні ліўнёўкі, адсутнічае ганак, паступае вада ў пад’езд. А як вырашаць праблему? Прыедуць, адпампуюць ваду — і на гэтым усё. А нам штогод пакутваць. Можа з’явіцца цвіль», — распавядае жанчына.

@ella__stepanova_ Прошу максимальный репост!!! Как так жить??? Уже на верхних этажах течет крыша! Квартиры там достаются не бесплатно! За что мы платим?? До кого достучаться, чтоб решили эту проблему раз и навсегда?! #витебск#никрополье#минск#новостройка#укс ♬ оригинальный звук — ЭЛЛА СТЕПАНОВА 🧒👧

Яна таксама адзначае, што нават крэдыт на жыллё, які яна ўзяла на кватэру, толькі пагаршае сітуацыю: «Гэтыя кватэры нам дасталіся далёка не бясплатна. У нас крэдыт на 20 гадоў больш за 1000 рублёў. У першым і другім пад’ездзе прадугледзелі пандус і ганак, а ў трэцім пад’ездзе відаць вырашылі абыйсціся. Дом поўнасцю электрычны. Гэта разве не небяспечна? Хто гатовы ўзяць адказнасць за наша жыццё? Не дай бог, што вада і электрычнасць сустрэнуцца…»

Не першы падобны выпадак з новымі дамамі ў Віцбескай вобласці

Гэты інцыдэнт у Нікраполлі — не адзіны ў Віцебскай вобласці. BGmedia паведамляла, што ў Аршанскім раёне, на вуліцы Палявая ў вёсцы Андрэеўшчына, праз прарыў радыятараў таксама затапіла пад’езд новага дома, пабудаванага ў 2021 годзе. Вось, што пра сітуацыю паведамлялі мясцовыя жыхары: «Выходжу ў пад’езд. Час 5:22. Даводзіцца надзяваць боты, каб выйсці. Вада ідзе ўжо гадзіну. Вось такая сітуацыя. Вада кіпіць. Проста балота. Службы не едуць. Забіцца можна, бо каля дома галалёд».

 

На кадрах відэа, якія знялі жыхары, бачна, што вада пастаянна працякае ў пад’езды, а ў некаторых месцах яна моцна парыць. Каб выйсці з пад’езда, жыхарам даводзіцца выкарыстоўваць гумовыя боты.

На меркаванне жыльцоў Віцебска і Андрэеўшчыны, праз падобныя выпадкі неабходны больш жорсткі кантроль за будаўнічымі нормамі і своечасовая рэакцыя аварыйных службаў у Віцебскай вобласці, каб падобныя інцыдэнты не паўтараліся і жыльцы не апыналіся ў небяспечных умовах.

Чытайце таксама: На адной з вуліц у Пінску вырубілі дрэвы: гэта выклікала спрэчкі ў гараджанаў