Categories: Новости

Пляж з абяцанняў: чаму ў Оршы так і не з’явілася абяцанае добраўпарадкаванне

Улады абяцалі аршанцам сучасны пляж з інфраструктурай на беразе Дняпра, аднак праект застаўся на паперы. Тэрміны зноў перанеслі.

Share

Яшчэ ў красавіку гэтага года стала вядома, што ў Оршы распрацавалі маштабны праект па добраўпарадкаванню пляжа ў раёне вуліцы Караткевіча. Агульны кошт работ ацэньваўся ў 1 656 989 рублёў, а рэалізаваць задуманае планавалі ўсяго за чатыры месяцы.

Чытайце таксама: У Оршы не пачалі рэканструкцыю дзіцячага парку: грошы пайшлі на флагшток і плошчу з дзяржсімваламі

Пра гэта піша Orsha.eu, звяртаючы ўвагу, што праект выглядаў амбіцыйна нават па мерках раённага цэнтра.

Пляж у Оршы. Фота: Telegram-канал Orsha.eu

Згодна з прадстаўленай канцэпцыяй, на беразе Дняпра павінна была з’явіцца паўнавартасная зона адпачынку: тэраса з навесам, пляцоўкі для валейбола і міні-футболу, вулічныя трэнажоры, дзіцячая пляцоўка, шэзлонгі, кабінкі для пераапранання, біятуалеты, пешаходныя дарожкі і нават асобны пітны фантан для жывёл. Акрамя таго, абяцалі гандлёвыя пункты і месцы для збору смецця.

Аднак да канца года, які ўлады абвясцілі «Годам добраўпарадкавання», пляж так і не быў прыведзены ў парадак. Замест рэалізацыі праекта жыхары зноў пачулі фармулёўку пра «бліжэйшы час».

Публічнае абяцанне вярнуцца да тэмы прагучала з вуснаў намесніцы старшыні Аршанскага райвыканкама Пракоф’евай падчас Адзінага дня інфармавання ў папраўчай калоніі ІК-8. Канкрэтных тэрмінаў пры гэтым агучана не было.

Дарэчы, гэта не адзіныя гучныя заявы мясцовых уладаў. Старшыня райвыканкама Мароз, выступаючы перад калектывам будаўнічага трэста №18, паабяцаў рэканструкцыю так званага «бутэлькавага горлышка» — аварыйнага ўчастка пад чыгуначным мостам. Сярод ужо «дасягнутых» вынікаў добраўпарадкавання ён назваў адкрыццё плошчы з флагштокам і сквера Працоўнай славы.

Флагшток у Оршы на плошчы. Фота: «Віцебскія весці»

На гэтым фоне адсутнасць выніку па пляжы з амаль двухмільённым бюджэтам выглядае асабліва прыкметна. Пытанне пра тое, калі аршанцы ўбачаць абяцанае і куды фактычна пайшлі сродкі, пакуль застаецца без зразумелага адказу.

Чытайце таксама: Вяртанне ў СССР: беларуска паказала, як выглядаюць нумары ў санаторыі пад Брэстам

Recent Posts

Быховскую «Женщину-мать» отправили на доработку. Со скульптором прекратили сотрудничество

Быховскую скульптуру, вызвавшую волну насмешек и возмущения, отправили на доработку. Но вопросов к автору и…

17.11.2026

«Будзем плаціць як дармаеды»: Беларусы абурыліся планамі ўладаў змяніць аплату камунальных паслуг

Урад плануе паступова скарачаць субсідыі на ЖКГ і пераглядаць тарыфы кожны квартал. Беларусы ўжо абмяркоўваюць…

17.11.2026

«Видимо, оплата труда, мягко сказать, не очень». В Солигорске все-таки открыли круглосуточную аптеку, но есть нюанс

Долгие годы стотысячный город жил без дежурных фармацевтов. Теперь купить лекарства ночью можно три раза…

17.11.2026

«Прыніжэнне абаронцаў Айчыны». Магілёвец абурыўся шыльдай мужчынскага туалета

Мужчыну не спадабаліся рогі, зоркі на грудзях намаляванага персанажа і надпіс men па-англійску. Але ў…

17.11.2026

«Видимо, в параллельной вселенной»: «Евроопт» ищет сотрудников в Бресте, но горожане усомнились в обещанных суммах

«Евроопт» опубликовал вакансии в Бресте с зарплатами до 2 140 рублей — в комментариях горожане…

17.11.2026

«В Брест сделать не судьба?» БелЖД запускает бизнес-поезда в Минск, но пинчане требуют нормальных рейсов в другие места

БелЖД вводит ежедневные поезда бизнес-класса до Минска и Барановичей. Жители рады, но жалуются на логистику…

17.11.2026