У аграгарадку Цімкавічы на сходзе з жыхарамі абмеркавалі шэраг праблемаў: ад пажараў да сабак на вуліцах. Але чыноўнікі адказалі не на ўсе пытанні.
Сустрэча з жыхарамі Цімкавічскага сельсавета. Фота: "Слава працы"
10 лютага ў аграгарадку Цімкавічы Капыльскага раёна прайшоў сход грамадзян, дзе мясцовыя жыхары змаглі абмеркаваць набалелыя пытанні з прадстаўнікамі ратаўнічых службаў і ўлады.
Чытайце таксама: Диалог для галочки? Как в Ляховичском районе отчитались о «эффективных» встречах с жителями
Фармат сустрэчы арганізатары вызначылі як адкрыты дыялог. Сярод асноўных тэм — пажарная бяспека, стан дарог у перыяд галалёду, медыцынская прафілактыка, а таксама праблема бяздомных сабак, якія свабодна разгуліваюць па вуліцах.
Начальнік пажарнай аварыйна-выратавальнай часці № 2 Капыльскага раённага аддзела па надзвычайных сітуацыях (РАНС) Яўген Кудзелка прывёў статыстыку пажараў у раёне і нагадаў пра правілы эксплуатацыі пячнога ацяплення. Асобна ўзгадалі пра неабходнасць своечасовай чысткі камінаў і выкарыстання адпаведнага паліва.
Інспектар сектара прафілактыкі і ўзаемадзеяння з грамадскасцю Капыльскага РАНС Таццяна Шастакова закранула пытанні няспраўнай электраправодкі, спальвання смецця на прысядзібных участках, бяспекі на лёдзе і небяспекі катання на «ватрушках» з непадрыхтаваных схілаў.
Прадстаўніца Капыльскага тэрытарыяльнага цэнтра сацыяльнага абслугоўвання насельніцтва (ТЦСАН) распавяла пра акцыю «Мой бяспечны дом», у межах якой шматдзетным сем’ям і адзінокім пажылым людзям усталёўваюць аўтаномныя пажарныя апавяшчальнікі і датчыкі чаднага газу. Таксама жыхарам нагадалі пра магчымасць атрымаць матэрыяльную дапамогу з сродкаў Фонду сацыяльнай абароны насельніцтва і заклікалі актыўней карыстацца паслугамі аддзялення дзённага знаходжання.
Пра здароўе і прафілактыку гаварыла памочніца ўрача-тэрапеўта па амбулаторна-паліклінічнай дапамозе Цімкавіцкай участковай бальніцы — прысутным расказалі пра графік дыспансерызацыі, магчымасць прайсці флюараграфію і важнасць своечасовых абследаванняў.
Чытайце таксама: Жыхарка Карэліцкага раёна праз TikTok адстаяла сельскую краму «Родны Кут»
Асобную ўвагу падчас размовы надалі пытанню пасыпкі дарог у перыяд галалёду і праблеме сабак на вуліцах. Жыхары адзначылі, што жывёлы часта ходзяць без нагляду і могуць ствараць небяспеку. Аднак, нягледзячы на ўзнятае пытанне, канкрэтнага механізму або плана дзеянняў па вырашэнні гэтай праблемы агучана не было.
Напрыканцы сустрэчы ўсім прысутным уручылі памяткі з правіламі бяспекі.
Праўладнае выданне «Слава працы» падкрэсліла, што для ўдзельнікаў сходу такія сустрэчы даюць магчымасць агучыць праблемы. Аднак для саміх жыхароў Цімкавіцкага сельсавета важнае не толькі само абмеркаванне, але і канкрэтныя рашэнні праблемаў, асабліва ў пытаннях, якія непасрэдна ўплываюць на іх бяспеку.
Чытайце таксама: «Во всем виноват только человек»: беларусы отреагировали на проблему бездомных собак в Житковичах
В Барановичах начали строить тротуар на второй стороне улицы Промышленной. Жители рады переменам, но напоминают:…
После вступления в должность Дональд Трамп помиловал Эвана Ньюмана вместе с другими участниками штурма Капитолия.…
В Дзержинске отчитались о благоустройстве сквера на Минской. Жителей впечатлили новые фонари и зелень, однако…
Путешественники искали ностальгию, а получили многочасовые проверки техники силовиками и волну хейта после публикации видео.
Пракурорская праверка ў Бабруйску выявіла парушэнні ў службе адлову жывёл: у неназванай арганізацыі не хапала…
У Краснаполлі дзяржаўнае выданне расказала пра сучасную бальніцу, камфортныя ўмовы працы і задаволеных пацыентаў. Але…