Мінскі міжнародны кінафестываль «Лістапад» усё больш нагадвае не міжнародную падзею, а форум для расійскага і праўладнага беларускага кіно.
кінафестываль «Лістапад». Фота: сайт фествалю
Сёлета ў праграме «Лістапада» — сотні стужак з розных краін. Але калі прыгледзецца, каму нададзена найбольш увагі, становіцца зразумела: міжнародны характар фестывалю застаўся ў мінулым.
Чытайце таксама: «Белая Вежа»: як адна з пастаноўшчыц фестывалю звязана з «расейскім светам»
Паводле інфармацыі, якую апублікаваў Telegram-канал «Священный Белавуд», у афіцыйнай праграме сёлетняга «Лістапада» найбольш прадстаўлена Расія — 67 стужак. На другім месцы Беларусь — 32 фільмы, а на трэцім — «недружалюбная», паводле дзяржаўнай рыторыкі, Францыя з 17 стужкамі. Далей ідуць Іран (11) і ЗША (7).
Сёлета арганізатары аднавілі скасаваны ў 2021 годзе Нацыянальны конкурс, які цяпер называецца «Кіно маладых». Але, як адзначаецца, удзел у ім бяруць толькі студэнты Акадэміі мастацтваў, супрацоўнікі «Беларусьфільма» і дзяржаўных СМІ. Незалежных аўтараў там няма.
Тэматыка карцін абмежаваная: вайна, «традыцыйныя каштоўнасці» і партрэты дзяржаўных дзеячаў. Пра асабістую свабоду ці вострыя сацыяльныя тэмы гаворкі не ідзе.
Чытайце таксама: В Барановичах снимают фильм про историю России. Узнали, в каком контексте
Асобна згадваецца фільм прапагандыста Рыгора Азаронка, які раней меў назву «Душа войска», а цяпер — «Душа абаронцы». Ён бярэ ўдзел у конкурсе «Кіно маладых».
Стужка распавядае пра Мазырскі памежны атрад, што ў лютым 2022 года фактычна прапусціў расійскія войскі праз Беларусь у бок Кіева. Лозунг фільма — «Захаванне міра падчас вайны — наш агульны абавязак», што выглядае асабліва цынічна на фоне ваенных падзей.
Сярод новых беларускіх праектаў, прадстаўленых на фестывалі — фільм «Пераломны момант», які зняў 35-гадовы рэжысёр Дзмітрый Сарока. Гэта яго першая ігравая работа — раней ён зняў толькі дакументальную стужку пра Прэзідэнцкі аркестр.
Як піша дзяржаўнае выданне «Мінск-навіны», новая карціна прысвечаная «сіле духу, сяброўству і волі да перамогі». Здымаецца яна на «Беларусьфільме» з цалкам беларускай камандай. Пры гэтым у фільме зноў гучаць матывы дзяржаўнага патрыятызму і «нацыянальнага гонару»: усё ў духу ідэалагічнай лініі, якую апошнія гады актыўна прасоўвае Мінкульт.
Такім чынам, Мінскі кінафестываль, які калісьці меў рэпутацыю адкрытай пляцоўкі для дыялогу культур, сёння ўсё больш замыкаецца ў коле праўладных і прапагандысцкіх фільмаў. Расійскія стужкі відавочна дамінуюць, а беларуская праграма ператварылася ў серыю ідэалагічных дэманстрацый.
Чытайце таксама: Победобесие на сцене и скудная география участников: изучили афишу театрального фестиваля «Белая Вежа-2025»
Беларуска заўважыла ў «жыроўцы» 14 рублёў падатку на сабаку, хоць, паводле яе слоў, дома ў…
У Гомелі беларус заўважыў аўтамабіль з расійскімі нумарамі, які прыпаркавалі проста на газоне. Відэа выклікала…
За 22 і 23 жніўня ў Віцебскай вобласці здабылі трох мядзведзяў. Беларусы ў каментарах асуджаюць…
В Барановичах семья подростка Льва Русана заявила о многолетней травле в гимназии №4. Мальчик говорит…
Выхаванцаў клуба «Подвиг» прыцягнулі да ўборачных работ у сельскай гаспадарцы. Падобныя акцыі з удзелам дзяцей…
Зоозащитница заявила, что на полигоне под Молодечно собак держат в клетках без выгула. Журналисты приехали…