Улады працягваюць ціснуць на «дачнікаў» — гандляроў агароднай прадукцыі з уласных участкаў. Напачатку праз Падатковы кодэкс, а цяпер — праз рэйды.
Мужчина на рынке в Беларуси. Фото: https://belarusdigest.com/
Улады ў Беларусі працягваюць аказваць ціск на «дачнікаў».
Яшчэ на пачатку месяца дэпутаты Палаты прадстаўнікоў падтрымалі праект закона «Аб зменах Падатковага кодэкса Рэспублікі Беларусь». Ён напрамую закрануў гандляроў агародных прадуктаў з уласных участкаў.
Чытайце таксама: Дачнікам і гаспадарам прысядзібных участкаў змяняюць правілы падаткаабкладання
Згодна з праектам, калі прыбытак ад продажу ўраджаю перавышае 200 базавых велічынь (каля 6,6 тысячы рублёў), «дачнікам» давядзецца альбо пацвердзіць, што гэта ўласная прадукцыя і падатак не патрэбны, альбо заплаціць 10% з лішку пры адсутнасці дакументаў. Тым, хто раней (да ўвядзення закону) ужо сплаціў падатак звыш нормы, вяртаць грошы не будуць.
Да ўвядзення новага закону не існавала празрыстых механізмаў для продажу дачнай прадукцыі, а стаўкі падаткаў заставаліся незразумелымі. Праз гэта хапала гандляроў, што не плацілі падаткі з прыбытку ад продажу гародніны. Асабліва, калі аб’ёмы продажаў былі невялікія або неафіцыйна зарэгістраваныя.
Для тых, хто рабіў гэта не афіцыйна, часта не існавала механізмаў спагнання падаткаў. Цяпер дачнікі і пенсіянеры, якія прадаюць лішкі гародніны, садавіны ці малака, вымушаныя рэгістравацца, весці ўлік і плаціць падаткі, калі ніколі не рабілі гэтага раней.
За «неафіцыйны» гандаль ураджаем звычайна караюць па арт. 13.11 КаАП Беларусі за парушэнне парадку гандлю і грамадскага харчавання. Аднак да ўвядзення новага закона далёка не ўсе дачнікі траплялі пад гэтае пакаранне.
З павялічэннем агульнага ціску на «дармаедаў» (усіх беларусаў, афіцыйна не занятых ў эканоміцы краіны) змянілі правілы падаткабкладання для гандяроў дачнай прадукцыі. Гэта, у сваю чаргу, пагражае «дачнікам» пакараннем за «дармаедства» у выпадку непадпарадкавання новым правілам. Але што больш трывожна — пачаліся рэйды на саміх гандяроў. Цікава, што ў мясцовых навінавых каналах рэакцыі на падзею збольшага адмоўныя.
Як паведамляе адміністрацыя Ленінскага раёна г. Брэста, з пачатку года было праведзена ўжо 36 рэйдаў на гандляроў і складзена 27 адміністратыўных матэрыялаў па 13.11 КаАП. Той самы артыкул, пад які раней траплялі не ўсе «дачнікі».
Пакуль да прымянення «дармаедскіх» законаў не дайшло, але гэта можа быць пытаннем часу: бо калі не ўдзельнічаеш у афіцыйнай эканоміцы, так ці інакш можаш трапіць пад увагу дзяржавы.
Чытайце таксама: Почему Лукашенко зациклился на борьбе с «тунеядцами»?
Предположительно, во время работ в Брестской крепости под спиленными деревьями нашли совят серой неясыти. Один…
ДзяржТБ распавяло пра нізкія заробкі ў Латвіі, але многія людзі ў каментарах аспрэчылі гэтыя заявы.
Прокурор Александр Хомич во Дворце Пусловских рассказал «компетентно и простым языком обо всех возможных проявлениях…
На вуліцы Ульянаўскай у Бабруйску жыльцы заўважылі падтапленне, што ішло з трубы. ЖЭУ адрэагавала на…
Рынок недвижимости Бреста замер: март 2026 года не принес весеннего оживления. Спрос остался на уровне…
МАРТ заявил о поддельных «беларуских» продуктах на российских маркетплейсах. Среди них — молочка с вымышленными…