Рэпрэсіі ў Брэсцкай вобласці працягваюцца. Стала вядома пра новых ахвяр рэжыму

Беларускім праваабаронцам і журналістам стала вядома пра чарговыя рэпрэсіі ў дачыненні да ўраджэнцаў Брэсцкай вобласці. Яшчэ двух чалавек асудзілі па «палітычных» артыкулах.

Чытайце таксама: Трое жителей Брестчины стали «террористами» по инициативе КГБ. При этом одного из них судили заочно в Пинске

Антон Арцюх

Антон — ураджэнец Брэста. Пасля школы скончыў Гродзенскі дзяржаўны універсітэт па спецыяльнасці гісторыка-археолага.

Хлопец працаваў экскурсаводам. Ён ладзіў экскурсіі па Ружанскім замку і ягоных ваколіцах, а таксама па іншых мясцінах.

Як перадае «Наша Ніва», у 2025 годзе Антона Арцюха асудзілі паводле артыкула аб «садзейнічанні экстрэмісцкай дзейнасці» (ч. 1 і ч. 2 арт. 361-4 Крымінальнага кодэкса). У цяперашніх умовах такое спалучэнне артыкулаў звычайна азначае, што чалавек праходзіў па справе «Гаюна».

Чытайце таксама: «Справа Гаюна». Як сілавікі вылічваюць людзей — меркаванне «Кіберпартызанаў»

Як паведамляюць праваабронцы, Антону прызначылі 3 гады абмежавання волі з накіраваннем ва ўстанову адкрытага тыпу. Таксама экскурсавода ўнеслі ў «спіс экстрэмістаў» МУС.

Антон Арцюх змог экстрана выехаць з Беларусі. Да суда ён знаходзіўся пад вартай.

Васіль Краўчук

Васіль Краўчук — ураджэнец Пінска. Ён чэмпіён беларускага КВН у першай лізе, удзельнік Вышэйшай украінскай лігі, удзельнік Еўралігі. Ён неаднойчы прадстаўляў родны горад на міжнародных камедыйных спаборніцтвах.

Як паведамляла раней «Медыя-палессе», У 2020 годзе пінчанін пакінуў жартаўлівы каментар пад публікацыяй у Telegram пра супрацоўніцу міліцыі, якая крычала на дзяцей. За гэты допіс мужчыну абвінавацілі ў абразе прадстаўніка ўлады (арт. 369 КК). Суд прысудзіў яму два гады «хатняй хіміі» і абавязаў выплаціць тысячу рублёў кампенсацыі маральнай шкоды.

Праз тры месяцы пасля прысуду Краўчук знік і быў абвешчаны ў вышук. Цяпер стала вядома, што праз тры гады, яго затрымалі ў Санкт-Пецярбургу, дзе ён чакае экстрадыцыі ў Беларусь.

Чытайце таксама: Валерый Карбалевіч: Афіцыйны Мінск разглядае дачыненні з Захадам праз прызму вызвалення палітвязняў

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро