Міліцыя патлумачыла высылку парушэннямі ПДР, але саму працэдуру зрабіла паказальнай, з мэтай «прафілактыкі» для іншых замежных студэнтаў.
Замежныя студэнты ў Гомелі. Фота: УУС Гомельскага аблвыканкаму
У Гомельскім дзяржаўным універсітэце сілавыя структуры правялі публічную высылку з краіны замежнага студэнта. Для гэтага ў адной з аўдыторый ВНУ сабралі іншых студэнтаў-замежнікаў, пры якіх і была праведзеная ўся паказальная працэдура.
Чытайце таксама: На студэнта з Конга маглі націснуць. Цяпер ён просіць СМІ «не палітызаваць сітуацыю»
Як паведамляе гомельская міліцыя, трэцякурснік, грамадзянін адной з краін Цэнтральнай Азіі, «неаднаразова ўчыняў адміністрацыйныя правапарушэнні супраць бяспекі дарожнага руху і эксплуатацыі транспартных сродкаў». Паводле сілавікоў, студэнт «не зрабіў належных высноў» і працягваў парушаць заканадаўства Беларусі. На гэта звяртае ўвагу гомельскае медыя «Штодзень».
Колькі менавіта парушэнняў правілаў дарожнага руху стала падставай для прымусовай высылкі, у паведамленні не ўдакладняецца. Вядома толькі, што замежніку забаронены ўезд у Беларусь на чатыры гады.
Аднак увагу прыцягвае не столькі само рашэнне аб высылцы, колькі фармат, у якім яго рэалізавалі. Іншых замежных студэнтаў сабралі ў аўдыторыі, каб, як заявілі сілавікі, «на наглядным прыкладзе давесці іх адказнасць і магчымыя наступствы за ўчыненне супрацьпраўных дзеянняў і парушэнне міграцыйнага заканадаўства».
Фактычна гаворка ідзе пра паказальную акцыю запалохвання. Пры гэтым на апублікаваных фотаздымках твары супрацоўнікаў міліцыі заблюраныя.
Раней беларускія сілавыя структуры ўжо неаднаразова праводзілі публічныя пакаранні, затрыманні і арышты беларускіх студэнтаў — у тым ліку ў сценах навучальных устаноў. Аднак публічная высылка замежнага студэнта проста ва ўніверсітэцкай аўдыторыі застаецца пакуль адносна рэдкай практыкай.
Чытайце таксама: Студэнта з БДЭУ вырашылі не аднаўляць ва ўніверсітэце. Раней яго выключылі за відэа ў TikTok
Ангелина Каминская рассказала, как обустроит квартиру для семьи с тремя новорожденными дочерьми. Но беларусы не…
Летом 2023 года Геннадия Кудласевича включили в санкционный список Евросоюза из-за судебных решений по политически…
На набережной Мухавца прошел субботник с участием руководства города. Рассказываем, что там хотят построить и…
Ольга работает животноводом, Дмитрий занимается строительством и вокалом. Супруги воспитывают троих детей и знакомы еще…
В поместье Деда Мороза установили восемь деревянных фигур животных в форме милиционеров. Идея принадлежит главе…
Система следит за тем, чтобы люди не заплывали за буйки, но горожане сомневаются в ее…