Шклоўскі завод труціць расейцаў? Беларуская ялавічына трапіла пад пільны нагляд у Расіі

У ялавічыне «Александрыйскага» выявілі бактэрыі кішачнай палачкі.

Чытайце таксама: Чым нас кормяць? У Беларусі прыпынілі працу каўбаснага цэху з-за пратэрмінаваных прадуктаў

Расспажыўнагляд паведаміў пра выяўленне бактэрый групы кішачнай палачкі (БГКП) у ялавічыне, вырабленай у каўбасным цэху прадпрыемства «Александрыйскае», якое спецыялізуецца на вытворчасці мясапрадуктаў і каўбасных вырабаў.

У сувязі з гэтым Федэральная служба па ветэрынарным і фітасанітарным наглядзе звярнулася да Дэпартамента ветэрынарнага і харчовага нагляду Міністэрства сельскай гаспадаркі Беларусі з просьбай змяніць статус прадпрыемства ў рэестры Мытнага саюза на «ўзмоцнены лабараторны кантроль».

Некалькі дзён таму падобнае парушэнне зафіксавалі ў прадукцыі Горацкага харчовага камбіната: расійскія спецыялісты выявілі БГКП у кісламалочным абястлушчаным напоі «Экспанента Біа-Скір».

Паводле экспертаў, наяўнасць бактэрый групы кішачнай палачкі ў прадуктах сведчыць пра фекальнае забруджванне. Яны могуць трапляць у ежу праз ваду, абсталяванне, рукі персаналу і іншыя крыніцы. Такія мікраарганізмы здольныя выклікаць страўнікава-кішачныя інфекцыі, а ў цяжкіх выпадках — небяспечны для жыцця гемалітыка-ўрэмічны сіндром, які шкодзіць здароўю нырак. Асаблівую пагрозу БГКП уяўляюць для дзяцей.

Чытайце таксама: «Это просто новый сорт»: жительница Кобрина обнаружила в местном магазине целый прилавок заплесневелой колбасы