Шматдзетная маці з Магілёва засталася без працы пасля дэкрэту

Жыхарка Магілёва Юлія фактычна апынулася без працы пасля выхаду з дэкрэтнага адпачынку. Яе гісторыя выклікала шырокі рэзананс у сацсетках і супала з абвяшчэннем у Беларусі «Года жанчыны».

Чытайце таксама: «Год жанчыны» ў Беларусі: шматдзетную маці з Магілёва фактычна выціскаюць з філіяла фабрыкі «8 Сакавіка»

Жанчына працавала ў магілёўскім філіяле гомельскай фабрыкі «8 Сакавіка». Пасля вяртання з дэкрэту ёй уручылі апавяшчэнне пра змену істотных умоў працы: новым месцам працы пазначаны Гомель — за 175 кіламетраў ад дому. Па словах жанчыны, яе прымалі на працу менавіта ў Магілёве.

«Так дырэктар вырашыў. З трыма малалетнімі дзецьмі гэта немагчыма. І вы лічыце, гэта не звальненне?» — адзначыла яна ў каментарыях да відэа, апублікаванага ў TikTok.

@yuliaplotnikova04 #безработная #годженщины🇧🇾 #беларусь #увольнение #многодетнаямама #госработа ♬ оригинальный звук — Юлия 619

Нядаўна жанчына паведаміла, што адмовілася ад новых умоў працы і фактычна засталася без працы. Яна падзялілася гэтым у сваім акаўнце ў TikTok. Як вынікае ў інфармацыі, апублікаванай магілёўчанкай, новае месца працы жанчына пакуль не знайшла.

@yuliaplotnikova04 #безработная #многодетнаямама #хочуврек #увольнение #реки #годженщины🇧🇾 #госработа ♬ НЕ ВИДНО автор Павел Агеев — ℙ𝕒𝕧𝕖𝕝 𝔸𝕘𝕖𝕖𝕧 | a8p4s Ⓥ

У каментарах, у сваю чаргу, беларускія карыстальнікі адзначылі, што падобныя сітуацыі ў краіне адбываюцца паўсюдна, калі жанчынам, што выйшлі з дэкрэту, змяняюць умовы працы, якія патрабуюць пераезду. Па словах людзей, мала хто пагаджаецца на новыя нязручныя ўмовы, таму «многім даводзіцца проста звальняцца».

Што кажа закон?

Паводле артыкула 32 Працоўнага кодэкса Рэспублікі Беларусь, працадаўца мае права змяніць істотныя ўмовы працы, уключаючы месца працы, толькі пры наяўнасці вытворчых, арганізацыйных або эканамічных прычын. Пра гэта работніка павінны папярэдзіць пісьмова не пазней чым за адзін месяц.

Калі супрацоўнік не згодны працягваць працу ў новых умовах, працоўны дагавор можа быць скасаваны на падставе пункта 5 часткі артыкула 35 Працоўнага кодэкса — у сувязі з адмовай работніка ад працягнення працы пры змяненні істотных умоў.

У дадзенай сітуацыі гаворка ідзе не пра прамое звальненне, але новыя ўмовы аб’ектыўна не дазваляюць жанчыне працягваць працу з улікам трох малалетніх дзяцей і неабходнасці штодня ездзіць 175 кіламетраў. Гэта можна расцаніць як ускосны механізм прымусу да звальнення, хоць фармальна працоўны дагавор не разрываўся.

Чытайце таксама:  Забор раздора: жительница Слуцка добивается исполнения решения по земельному спору