«Зімой там не лесвіца, а ледзяная горка»: случчанка паскардзілася на дарогу каля школы і каледжа

Скаргу случчанка апублікавала ў мясцовым Telegram-канале. Паводле яе словаў, каля школы №12 закрылі брамку з боку задняга двара. Раней гэтым шляхам было зручна хадзіць, у тым ліку бацькам, якія водзяць дзяцей у два дзіцячыя сады.

Чытайце таксама: На набярэжнай Дубравенкі разабралі лесвіцу, якой яшчэ нядаўна даводзілася карыстацца з каляскай

Цяпер, як піша жанчына, людзям даводзіцца абыходзіць закрыты ўчастак.

«Зімой там не лесвіца, а ледзяная горка»

Асобна случчанка звярнула ўвагу на лесвіцу і дарожку побач са школай. На апублікаваным ёю фота відаць, што плітка на пешаходным шляху месцамі пашкоджаная, а каля лесвіцы няма нармальнага пакрыцця — там зямля і пясок.

Жанчына адзначае, што гэтым маршрутам карыстаюцца бацькі з дзецьмі і людзі з роварамі. Восенню, паводле яе, тут утвараецца бруд, а зімой праблема становіцца яшчэ большай.

«Многія на дзеткі ездзяць на ровары, мамы з каляскамі, восенню бруд, дзеці ўсе чумазыя, зімой увогуле не ўяўляю, што будзе, нічога не чысцяць», — напісала случчанка.

У каментарах адзін з карыстальнікаў пагадзіўся з ёй:

• «Другая праблема: зімой там не лесвіца, а ледзяная горка».

Іншы звярнуў увагу на тое, што па гэтым участку складана праехаць на ровары і тым больш карыстацца ім людзям з інваліднасцю:

• «Гэта так, на ровары туды таксама цяжка заехаць, калі там нармальна зробяць ужо, а калі які-небудзь інвалід на колах захоча туды заехаць».

Каля каледжа пастаянна стаіць вада

Яшчэ адна праблема, пра якую напісала жыхарка, знаходзіцца каля каледжа. Паводле яе, у гэтым месцы рэгулярна збіраецца вада.

Яна таксама звярнула ўвагу на стан тратуарнай пліткі на ўсім маршруце і на тое, што зімой тэрыторыю, паводле яе назіранняў, належным чынам не чысцяць.

«Успамінаю сітуацыю зімой, нічога не чыста, хаця цэлы каледж студэнтаў. У наш час мы чысцілі, а тут такое стаўленне», — напісала яна.

Жанчына кажа, што загадзя перажывае за тое, як гэты ўчастак будзе выглядаць у халодны сезон, і спадзяецца, што на праблему звернуць увагу.

Яна таксама адзначыла, што тэрыторыя каля школы, на яе думку, зусім не прыстасаваная для ровараў, і заклікала адказныя службы звярнуць на гэта ўвагу.

Чытайце таксама: У Слуцкім і Салігорскім раёнах заўважаюць абмяленне вадаёмаў. Што адбываецца?

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро