TikTok-блогер паскардзіўся на беларусізацыю Плошчы Перамогі у Мінску. Яму жорстка адказалі

Міхаіл Юспа — прарасейскі блогер, што жыве ў Беларусі. У сваім TikTok ён часта звяртае ўвагу на праблему «беларусізацыі» помнікаў у краіне.

Чытайце таксама:  Дызайнерка, якая стварае дызайн для чарачнай «у стылі СССР», здзівілася забароне на «бчб-колеры»

Сам Міхаіл з’яўляецца прыхільнікам інтэграцыі Беларусі з Расеяй, пра што часта падкрэслівае ў сваіх відэароліках і іншых публікацыях. На дадзены момант ён працуе навуковым супрацоўнікам кафедры філасофіі і метадалогіі ўніверсітэцкай адукацыі Рэспубліканскага інстытута вышэйшай школы. Ён называе сябе палітолагам і міжнароднікам. У гэтай ролі ён некалі даваў каментары тэлеканалу «Беларусь 1».

У адным са сваіх апошніх відэа ён крытычна выказаўся пра беларускую мову ў цэнтры сталіцы. Ён заўважыў, што на адным з падземных пераходаў на Плошчы Перамогі расейскія словы замянілі на беларускія. На меркаванне Юспы, гэта ўсё сведчыць пра «дэрусіфікацыю» і нават «дэсаветызацыю».

@usparus Сегодня по наводке подписчика сходил на Площадь Победы, где дополнил материал по белорусизации этого священного для нас места. Оказалось, что, вероятно, в ходе реконструкции надпись «Площадь Победы» на подземных переходах на самой площади были заменены на белорусскоязычные. Об этом говорит цвет камня и размер букв. На верхних переходах, которые ближе к улице Козлова, камень белый, а русские буквы большие. В месте реставрации камень чёрный и белорусские буквы меньше. При выполнении работ старые надписи могли быть отреставрированы и возвращены на место, но их заменили мовными. С одной стороны, это удаление оригинальных советских надписей. С другой — отказ от русского языка в польщу белорусского. Поэтому дерусификация это или десоветизация можете решить сами. Видео-сюжет на эту тему записан и выложен в социальные сети. #ДеньПобеды #Донбасс #9мая #литература #мудрость #беларусь #беларусь🇧🇾 #беларус #україна #Кремль #вов #юспа #херсон #справделивость #Россия #минск #москва #спб #гродно #могилев #Витебск #Брест #гомель #смоленск #псков #краснодар #крым #севастополь #Керчь #Тамань #Кубань #краснодарскийкрай #московскаяобласть #ленинград #ленинградскаяобласть #ссср #Воронеж #история #мужик #сочи #анапа #адлер #симферополь #донбасс #донецк #Луганск #лукашенко #трамп #Сталин #путин ♬ оригинальный звук — Aleksandr✔️

«Сёння мы пагаворым пра дэсаветызацыю на Плошчы Перамогі ў Мінску. Уся справа ў тым, што зусім нядаўна там правялі рамонт. І калі паглядзець на падземныя пешаходныя пераходы, якія непасрэдна прылягаюць да плошчы, можна ўбачыць, што надпісы ў іх цяпер зроблены на беларускай мове. Але калі спусціцца ў пераходы крыху вышэй па праспекце, то там надпісы застаюцца на расейскай мове. Імаверна, падчас рамонту расейскамоўныя надпісы, што былі ў пераходах каля плошчы, замянілі на беларускамоўныя. Здавалася б, можна было проста адрэстаўраваць старыя і паставіць іх на месца. Але чамусьці было прынята рашэнне замяніць расейскія надпісы на беларускія. Што гэта — дэсаветызацыя? Ці дэрусіфікацыя? Прапаную вам самім вырашыць, як гэта называць», — адзначае аўтар відэа.

Што яму адказалі беларусы

Шматлікія беларусы не зразумелі прэтэнзіі аўтара відэа. У каментарах пад ролікам многія адзначылі, што не бачаць у гэтым ніякай праблемы.

• «Беларуская мова такая ж дзяржаўная як і руская мова ў Беларусі, не разумею ў чым праблема. Думаю не варта разводзіць з гэтага трагедыю, калі недзе надпіс не на рускай, магчыма варта больш падтрымліваць беларускую мову, бо рускую мову абараняе РФ, а беларускую ніхто акрамя Беларусі захаваць не зможа».
• «У Беларусі 2(!!!) дзяржаўныя мовы. Не толькі руская!», — падкрэслівае адзін з каментатараў.
• «Дык а ў чым дэсаветызацыя, не зразумеў. У БССР беларуская мова таксама была дзяржаўнай мовай, як і ў РБ».
• «Добра, што ты звярнуў на гэта ўвагу. Трэба абавязкова замяніць і астатнія назвы на беларускія».

Некаторыя карыстальнікі пажартавалі з прэтэнзіі Міхаіла Юспы і спыталі, чаму ў Мінску мусіць быць месца для расейскай мовы, калі беларуская ў Маскве наогул адсутнічае:

• «Іду па Маскве. Ніводнага надпісу на беларускай! Мы саюзныя дзяржавы ці не?», — іранізуюць беларусы.
• «А чаму ў Маскве няма таблічак на чувашскай, мардоўскай ці многіх іншых мовах Расіі? Я думаю, што ў Беларусі ўсё павінна быць на беларускай».

На гэтыя каментары Міхаіл так і не адказаў па сутнасці. Яго галоўны аргумент зводзіўся да неабходнасці захавання расейскай мовы, якая, на думку аўтара відэа, з’яўляецца традыцыйнай, калі гаворка ідзе пра савецкую спадчыну.

Чытайце таксама: «Ябацька» здзівілася коштам на партрэты Лукашэнкі — ёй жорстка адказалі людзі

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро