У вядомай сетцы мінскіх гіпермаркетаў заўважылі цэннікі ў расійскіх рублях

У вядомай сетцы мінскіх гіпермаркетаў «Гіпа» пакупнікі заўважылі цэннікі, надрукаваныя ў расейскіх рублях. Пра гэта стала вядома дзякуючы беларускаму коміку Яўгену Буракевічу, які апублікаваў відэа з крамы ў сваім TikTok.

Чытайце таксама: Хлопца шакавалі кошты на мэблю ад «Пінскдрэў»: беларусы падтрымалі яго абурэнне

«Купіў толькі што памела ў «Гіпа», узважваў яго і крыху заблытаўся, у якіх гэта рублях мне выдала цэннік… Хто ведае, можа былі якія навіны?», — жартуе Буракевіч у роліку, паказваючы на квіток, дзе валюта пазначана як RUB.

@eburakevich_ Я запутался #минск #беларусь ♬ оригинальный звук — Женя Буракевич

Беларусы па-рознаму адрэагавалі на навіну. Некаторыя абурыліся: як такое наагул магло адбыцца ў дзяржаўнай валюце краіны? Іншыя — паставіліся да інцыдэнту з гумарам:

• «Гэта пранк для расейцаў ад “Гіпа”».
• «Ужо і касы сюды перацягваюць з Расеі, поскудзі».
• «Гэта ньюані».

У сетцы «Гіпа» сітуацыю пакуль публічна не каментавалі.

Праблемы з коштамі ў «Гіпа» — не ўпершыню

Такі інцыдэнт адбыўся на фоне частых скаргаў пакупнікоў на палітыку цэнаў у сетцы. BGmedia раней паведамляла, што беларусы масава абураліся коштамі на гародніну:
таматы часам каштавалі даражэй за мяса — ад 10 рублёў і вышэй за кілаграм.

Падобныя скаргі прыходзілі і з іншых гарадоў: людзі здзіўляліся, чаму базавыя прадукты становяцца ўсё менш даступнымі, асабліва ў параўнанні з мясам, кошты на якое растуць больш павольна.

Чытайце таксама: «Мясо дешевле стоит!»: беларусы обсуждают шокирующие цены на помидоры