«Наша Ніва» паведаміла пра сыход у адстаўку беларускіх суддзяў. Чацвёра з іх прысуджалі «суткі» і штрафы ўдзельнікам акцый пратэсту і іншым апазіцыянерам.
- Аляксей Бычко, Мінскі гарадскі суд
Стаў суддзёй Цэнтральнага раёна Мінска яшчэ ў 2004 годзе. У канцы 2000-х даваў па 15 сутак і маладафронтаўцам («Малады Фронт» — самая вялікая моладзевая апазіцыйная арганізацыя, яе заснавальнік — палітвязень Павел Севярынец), і прадпрымальнікам, і палітыку Віктару Івашкевічу. У 2011 годзе суддзя трапіў пад санкцыі Еўрасаюза. Кантракт Бычко дзейнічаў да 2022 года, але ён вырашыў сысці датэрмінова.
- Аляксей Кісляк, суд Ленінскага раёна Мінска
Гэты суддзя адпрацаваў з новага пяцігадовага кантракта трохі больш за год — і папрасіўся ў адстаўку. Да выбараў праз яго прайшлі як мінімум 15 працэсаў. Кісляк судзіў у тым ліку Міколу Статкевіча, Эдуарда Пальчыса, пісьменніка Уладзіміра Арлова. Кісляк нікога не адправіў на суткі, але даваў буйныя штрафы.
Читайте также: «Что ты думаешь — это уже твои проблемы»: В Пинске после выборов судья отказался вести дела по 23.34 КоАП и уволился
- Іван Касцян, суд Цэнтральнага раёна Мінска
Іван Касцян працаваў суддзёй з 2017 года. Судзіў многіх вядомых дзеячаў апазіцыі — Юрася Губарэвіча, Мікалая Казлова, Змітра Дашкевіча, Ніну Багінскую, Максіма Вінярскага. Даваў 15 сутак Паўлу Севярынцу. Па артыкуле 23.34 агулам выдаў штрафаў на 60 тысяч рублёў, прысудзіў 139 сутак
- Таццяна Трапашка, суд Жодзіна
Новы пяцігадовы кантракт у яе пачаўся… толькі два месяцы таму. Вядомы тры палітычныя працэсы, якімі займалася Трапашка. Усе тры разы яна давала дэманстрантам па 10 базавых велічыняў і адпускала з СІЗА.
- Віталь Янюк, суд Наваполацка
Актыўнасць у Наваполацку была не такая вялікая, у базе няма звестак пра палітычныя працэсы Янюка. Новы кантракт пачаўся ў яго ў лютым 2020 года. Апроч таго, Уладзімір Космач папрасіўся ў адстаўку з пасады старшыні Ганцавіцкага суда, але застаўся проста суддзёй.
Наш канал в Telegram. Присоединяйтесь!
Есть о чем рассказать? Пишите в наш Telegram-бот. Это анонимно и быстро
Подпишитесь на наши новости в Google
