У Беларусі ўводзяць электронныя сертыфікаты ЦТ і ЦЭ, але не без праблемаў

У Беларусі пачынаюць паэтапна ўкараняць электронныя сертыфікаты вынікаў цэнтралізаванага экзамену (ЦЭ) і цэнтралізаванага тэставання (ЦТ).

Чытайце таксама: Без тэлефонаў і туалетнай паперы: дзеці скардзяцца на ўмовы ў школе

У Міністэрстве адукацыі сцвярджаюць, што праект зробіць сістэму больш празрыстай, зручнай і надзейнай як для абітурыентаў, так і для ВНУ.

Да пачатку прыёмнай кампаніі 2026 года Рэспубліканскі інстытут кантролю ведаў (РІКВ) абяцае забяспечыць магчымасць прагляду і спампоўкі электронных сертыфікатаў праз сістэму «Электронная чарга для падачы дакументаў у ВНУ». Усе дакументы будуць падпісаныя электронным лічбавым подпісам.

Аднак, нягледзячы на такі «лічбавы крок наперад», папяровыя версіі ўсё яшчэ застануцца неабходнымі. Паводле Мінадукацыі, пры паступленні абітурыент абавязаны падаць арыгінал папяровага сертыфіката — без яго прыняць дакументы ў ВНУ будзе немагчыма.

Такім чынам, электронныя сертыфікаты пакуль будуць існаваць хутчэй як дадатак да традыцыйных, а не іх замена. Пасля тэставага перыяду плануецца поўны пераход на лічбавы фармат, але дакладныя тэрміны пакуль не агучваюцца. У міністэрстве падкрэсліваюць, што новая сістэма «стане часткай стварэння адзінай лічбавай адукацыйнай прасторы» і «павінна павысіць давер да вынікаў экзаменаў». 

Чытайце таксама: В центре Бреста компьютерные мастерские создали «финансовую аномалию». Возможно, вы в этом поучаствовали

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро