У Беларусі пройдзе экалагічная акцыя «Дай дрэву новае жыццё». Хоць яна абвешчана дабраахвотнай, асноўнымі ўдзельнікамі зноў стануць «бюджэтнікі».
Бюджэтнікі садзяць дрэвы
Па ўсёй Беларусі з 11 па 31 кастрычніка будуць праводзіць экалагічную акцыю «Дай дрэву новае жыццё». Яе прысвячаюць Году добраўпарадкавання ў краіне.
Чытайце таксама: Чаму дазволілі паляваць на жывёлаў з Чырвонай кнігі? Экспертка патлумачыла
У Брэсцкай вобласці падчас акцыі плануюць пасадзіць больш за мільён маладых дрэўцаў. Асаблівую ўвагу збіраюцца ўдзяліць ветравальна-бураломным участкам.
Як паведамляюць у дзяржаўных медыя, акцыя будзе дабраахвотная. Але пры гэтым адзначаюць, што прымаць удзел у ёй, як чакаецца, будзе каля пяці тыс. жыхароў Брэсцкай вобласці. Цалкам магчыма, што лічбы «валанцёраў» ужо запісалі загаддзя. Аб гэтым сведчыць вопыт ранейшых акцый.
Роўна год таму, 11 кастрычніка, першы этап «Дай лесу новае жыццё» адкрылі з удзелам Лукашэнкі. Кампанія праводзілася ўжо не аднойчы. Як кажуць на сайце Міністэрства лясной гаспадаркі, за ўвесь час у ёй прынялі ўдзел «дзясяткі тысяч беларусаў».
Пры гэтым можна заўважыць з мінулых справаздач у рэгіянальных «весніках», што добрую частку ўдзельнікаў мерапрыемства складалі супрацоўнікі дзяржпрадпрыемстваў. Так, напрыклад, у Рэчыцкім раёне ў экалагічнай акцыі прымалі ўдзел прадстаўнікі Федэрацыі прафсаюзаў Беларусі. А ў Наваполацку — прадстаўнікі мясцовага гарвыканкаму, гарадскога савету дэпутатаў, пракуратуры, грамадскія работнікі і члены рэспубліканскій партый.
У рэгіянальнай прэсе сярод дабраахвотнікаў падобных мерапрыемстваў часцей за ўсё паказвалі «бюджэтнікаў», і вельмі рэдка — іншых людзей. Атрымліваецца, што «валанцёрскі» рух у рэгіёнах цалкам трымаецца на плячах тых, каго лёгка папрасіць. Пакуль сапраўдныя валанцёры, відаць, дзесьці занятыя.
Чытайце таксама: «Деревья больным видом не украшали сквер»: как пропаганда оправдывает косяки власти
Беларусь закупіла расійскага фасаванага малака і вяршкоў больш чым на 2,5 млн долараў. Раней краіна…
Энтузиасты пытались сохранить хотя бы часть мозаики на здании бывшей школы №5 в Новополоцке, но…
Пенсіянеры з Магілёўскага раёна звярнуліся да Лукашэнкі. Яны не хочуць, каб іх вёскі далучалі да…
Жители продолжают страдать от грязной воды с запахом болота, публикуя снимки коричневых ванн с плавающими…
В Молодечно появился еще один проекционный пешеходный переход. Новая подсветка вызвала споры: одни считают ее…
Студэнты ўжо другі месяц дапамагаюць падшэфнаму прадпрыемству збіраць гародніну. Кіраўніцтва ВНУ называе гэта ўнёскам у…