У Беларусі ўсё часцей з’яўляюцца праекты па вывучэнню кітайскай мовы і культуры — што стаіць за гэтай тэндэнцыяй?
Мерапрыемства з адкрыцця кабінета чайнай культуры ў Брэсцкім універсітэце. Фота: БрДу ім. Пушкіна
У Брэсце ў Беларускім дзяржаўным універсітэце імя А.С. Пушкіна адкрылі Кабінет кітайскай чайнай культуры. Такі кабінет дазваляе знаёміць студэнтаў і гасцей універсітэта з кітайскай чайнай культурай, праводзіць лекцыі і майстар-класы, арганізоўваць сустрэчы з кітайскімі дэлегацыямі і папулярызаваць мову і традыцыі Кітая.
Чытайце таксама: У Баранавічах адкрылі клас Канфуцыя, каб школьнікі паглыблена вывучалі кітайскую мову
Падзея адбылася падчас святкавання 80-гадовага юбілею ўніверсітэта і супала з візітам дэлегацый з Аньхойскага ўніверсітэта (Кітай) у сувязі з пяцігоддзем Інстытута Канфуцыя ў БрДУ. Аб гэтым паведамляе Telegram-канал Брэсцкага аблвыканкама.
Стварэнне кабінета — частка дзяржаўнай практыкі пашырэння кітайскіх адукацыйных і культурных праектаў у Беларусі, што стала тэндэнцыяй апошніх гадоў. BGmedia ўжо пісала пра тое, што ў сярэдняй школе №7 у Баранавічах адкрыты клас Канфуцыя, дзе школьнікі паглыблена вывучаюць кітайскую мову. Гэта першы ў Брэсцкай вобласці і чацвёрты ў Беларусі цэнтр кітайскай мовы з заняткамі з носьбітамі мовы.
Як вынікае з апошніх навінаў, ініцыятывы па вывучэнню кітайскай мовы ўсё часцей падтрымліваюцца на дзяржаўным узроўні.
Агульная тэндэнцыя выглядае наступнай: кітайская мова атрымлівае асаблівую ўвагу і падтрымку, тады як англійская і іншыя еўрапейскія мовы сутыкаюцца са скарачэннямі гадзінаў выкладання ў школах і іншымі абмежаваннямі. Асабліва гэта закранула школьную сістэму адукацыі: колькасць настаўнікаў па замежных мовах скарацілі, як і колькасць груп. Гэта, на думку бацькоў, стварае перашкоды для эфектыўнага засваення прадметаў іх дзецьмі.
У 2024 годзе школа замежных моў «Streamline» спыніла сваю дзейнасць. Навучальная ўстанова карысталася значным попытам сярод беларусаў. Афіцыйна прычынай закрыцця назвалі нясплату падаткаў, але некаторыя эксперты лічаць, што рашэнне магло быць палітычна-абгрунтаваным: з мэтай скарачэння эміграцыі беларусаў у краіны Еўрасаюза.
Адкрыццё кабінета ў БрДУ і класа Канфуцыя ў Баранавічах паказвае, што кітайскай мове ў Беларусі працягваюць даваць «зялёнае святло», у той час як выкладанне іншых замежных моваў у школах і прыватных установах сутыкаецца з видавочными абмежаваннямі.
Чытайце таксама: «Парадак» любой цаной: як школа ў Беларусі цісне на настаўнікаў і вучняў
У Беларусі узрастае колькасць замежных студэнтаў, дзе кожны трэці — грамадзянін Кітая. На Брэстчыне ўзмацняюць…
Брестский горисполком вынес проект на «общественное обсуждение», но саму идею власти озвучили осенью 2025 года,…
Жыхарка Малай Падзеры паскадзілася на небяспечныя зараснікі баршчэўніку. Пра іх яна паведамляла яшчэ з мінулага…
В случайном разговоре с женщиной Хмель сразу говорит, что там большой объем работ: нужно освещение,…
Галоўная крытыка датычылася жывёл. Людзі нагадалі, што побач знаходзіцца заасад, а запускаць феерверк у такой…
По ее словам, теперь на стороне соседа оказываются не только суды, но и госТВ. Именно…