У Чэрыкаве раённае медыя апраўдала камунальнікаў, якія засыпалі гранулят проста ў лужыну

У Чэрыкаве гісторыя з рамонтам двара пасля дажджу атрымала нечаканы працяг. Пасля таго як мясцовы жыхар апублікаваў у TikTok відэа, дзе работнікі камунальнай службы засыпаюць ямы асфальтагранулятам проста ў лужыны, раённае дзяржаўнае медыя «Веснік Чэрыкаўшчыны», выпусціла сюжэт, у якім фактычна стала на бок камунальнікаў.

Чытайце таксама: «Навіна сусветнага значэння»: у Магілёве рэканструююць грамадскую прыбіральню, але жыхары ўзгадалі старыя праблемы

Першапачатковае відэа было знята ў двары дома № 5 па вуліцы Ракасоўскага. На кадрах відаць, як гранулят высыпаюць у ямы, запоўненыя вадой пасля дажджу. Ролік хутка разышоўся ў TikTok, аднак пазней быў выдалены. На сітуацыю звярнула ўвагу «Магілёў.медыя».

Аднак замест таго, каб засяродзіцца на самім спосабе рамонту, у сюжэце дзяржаўнага медыя асноўную ўвагу надалі аўтару роліка. Яго назвалі чалавекам, які «хайпануў», «запіліў трэндавы кантэнт» і «не разабраўся, што і чаму».

Пасля ў кадры паказалі мясцовую жыхарку, якая паведаміла, што ўжо на наступны дзень тэхніка вярнулася і працягнула работы.

@cherikovnews 🏠 Дом N5 по улице Рокоссовского в Черикове вновь в центре внимания и в объективе камеры. 😏Но не только нашей… 🤔Что там не так? И почему? А главное — как решится проблема? #новостичерикова #чериков #жкх ♬ оригинальный звук — Чериков online

Што сказалі камунальнікі і простыя людзі

Сваю пазіцыю агучыла і прадстаўніца камунальнай службы. Паводле яе слоў, у гэтым месцы было прынята рашэнне «выціснуць ваду асфальтагранулятам», а пазней выканаць рамонт ужо асфальтабетоннай сумессю.

У фінале сюжэта прагучала фраза, якая асабліва запомнілася гледачам:

«Магчыма, у мясцовых камунальнікаў спрацавалі занадта аператыўна. Але ў такое надвор’е адрэагаваць па-іншаму было немагчыма».

Менавіта гэтае тлумачэнне і стала нагодай для каментароў у TikTok.

Беларускія карыстальнікі звярнулі ўвагу, што асфальтагранулят, насыпаная проста ў лужыну, можа хутка вымывацца пасля наступных ападкаў. Некаторыя не стрымліваліся ў жартах, заўважае BGmedia:

• «А што перашкаджала выдаліць ваду?»
• «Бла-бла-бла….. так ваду з лужыны па тэхналогіі кладкі асфальта выцясняюць гасфалбтаранулятам? І ўсё?».
• «Ааа…так гэта яны новы від рамонту прыдумалі, выдушванне вады! І колькі гэта каштавала?».
• «Усё добра! А чаму не прыбралі ваду? Не высушылі паверхню? А вы затуляеце разгільдзяйства і безгаспадарчасць! Грошы ў лужыну!»

Пры гэтым у сюжэце адзначылі, што ўчастак плануюць давесці да ладу пазней, ужо пасля высыхання пакрыцця. Дакладныя тэрміны правядзення паўнавартаснага рамонту пры гэтым не называліся.

Чытайце таксама: Чаму Случ у Слуцку ўсё больш зарастае? Мясцовыя жыхары баяцца, што рака можа ператварыцца ў балота