У цэнтры Гродна зруйнавалі гістарычны будынак на вуліцы Васілька, 5. На ягоным месцы планавалася рэканструкцыя, але на практыцы ўсё выглядае інакш.
Гітарычны будынак у Гродне, які знішчылі дзеля рэканструкцыі. Вул. Васілька 5. Фота: Спадчына, Вечерний Гродно
У Гродне зруйнавалі двухпавярховы будынак на вуліцы Васілька, 5. Кампанія «СпектрІнвестГруп» будуе на ягоным месцы жылы дом. Хаця працы прадстаўляюць як рэканструкцыю і ў ходзе плануюць выкарыстаць старую цэглу, эксперты па архітэктуры адзначаюць, што проста сабраць новы дом з той жа цэглы — не азначае захаваць гісторыю.
Чытайце таксама: «Выглядае як карма». У Хойне знеслі будынак з цэглы Пінскага касцёла
Апошнім часам у горадзе пацярпела некалькі гістарычных будынкаў у ходзе будаўнічых прац. Так, стогадовы дзіцячы садок на той жа вуліцы быў знесены, а фасад іншага гістарычнага будынка на Вялікай Траецкай абваліўся проста на вуліцу, паведамляе Urban Hrodna.
Падчас будаўнічых прац на Вялікай Траецкай №31 абрынулася сцена будынка канца XIX стагоддзя, дзе шмат гадоў працаваў цэх па вырабе ключоў. Цэгла прабіла агароджу і рассыпалася на праезную частку.
Будынкі №31 і №33 выкупілі ў 2022 годзе. Яны былі ў аварыйным стане — амаль без падмуркаў. Планавалася аб’яднаць іх і аднавіць гістарычнае аблічча з элементамі дэкору, страчанымі ў савецкі час, вярнуць балконы і брамы. Аварыйныя ўчасткі сцен збіраліся дэмантаваць і аднавіць з захаваннем габарытаў і з выкарыстаннем «роднай» керамічнай цэглы. Дзверы і вітрыны павінны былі быць драўлянымі. Рэканструкцыя пачалася ў 2025 годзе, у новым будынку планавалі адкрыць рэстаран і падвальнае памяшканне для пякарні.
А вось з двухпавярховым домам на Васілька, 5 гісторыя іншая. Хоць яшчэ ў 2018 годзе іншы ўласнік рыхтаваў яго пад праваслаўны сацыяльны цэнтр, новы гаспадар вырашыў не ўзмацняць сцены і проста знесці будынак. Па праекце, плошча новага дома павялічыцца, а фактычна «рэканструкцыя» аказалася поўным зносам і адбудовай наноў.
Праекціроўшчык «Інтэлсток Інжырынг», які вядомы па іншых падобных праектах, таксама ўдзельнічаў у гэтым будаўніцтве.
Хоць дом не ўнесены ў Дзяржаўны спіс гісторыка-культурных каштоўнасцей, ён уваходзіў у праект зон аховы гістарычнага цэнтра як шэраговая забудова. Паводле рэгламентаў забаронена змяняць характар архітэктуры фасадаў шэраговай гістарычнай забудовы без неабходнасці, але пра знос нічога не напісана.
На месцы будынка на Васілька, 5 знішчылі нават фундаменты і выклалі новыя з бетонных блокаў. Цяпер «аднаўляць» будынак будуць са старой цэглы — але сапраўдная гісторыя ўжо страчана, заўважылі ў Telegram-канале Спадчына.
Вось, як самі беларусы адрэагавалі на гэтую падзею:
Чытайце таксама: У Брэсце былую помпавую вежу не прызналі каштоўнасцю і выставілі на продаж з умовай зносу
У Клімавіцкім раёне будуюць сучасны свінакомплекс з аўтаматызацыяй і ростам вытворчасці. Але разам з амбіцыйнымі…
Оршанский мясокомбинат теряет самостоятельность и сокращает сотрудников. Похожая ситуация уже была в Слуцке — реакция…
Именно эта версия, по мнению брестчан, лучше всего объясняет, почему город начали активно «приводить в…
В Бресте у кладбища Плоска в пролеске нашли выброшенную просрочку — от рыбы до молочки.…
У Бабруйску загадчыцу гаспадаркі затрымалі з пакетамі прадуктаў са школы. Падобныя выпадкі ўжо фіксаваліся і…
Квартира в доме для нуждающихся в Бресте выставлена за кругленькую сумму. Узнали, законно ли это.