Categories: Новости

У Ляхавічах пакаралі міліцэйскага начальніка за адказ па-руску на беларускамоўны зварот

Моўны актывіст паскардзіўся на парушэнне заканадаўства. Пасля праверкі ў РАУС паведамілі, што да супрацоўніка прынялі «меры матэрыяльнага ўздзеяння».

Share

У Ляхавіцкім РАУС прызналі парушэнне пасля скаргі моўнага актывіста Ігара Случака. На яго зварот, напісаны па-беларуску, міліцыя адказала па-руску, хаця закон патрабуе выкарыстоўваць мову звароту. У выніку начальніка аддзела, які дапусціў парушэнне, пакаралі матэрыяльна.

Чытайце таксама: Анатоль Лябедзька: Беларуская мова павінна стаць адзінай дзяржаўнай. Але трэба закласці пераходны перыяд

Напісаў па-беларуску, а адказ атрымаў па-руску

Ігар Случак звярнуўся ў міліцыю Ляхавіцкага раёна на беларускай мове, аднак адказ яму даслалі па-руску. Пасля гэтага актывіст паскардзіўся на парушэнне.

Справа ў тым, што артыкул 18 Закона «Аб зваротах грамадзян і юрыдычных асоб» патрабуе даваць пісьмовы адказ на той мове, на якой быў напісаны сам зварот. Такім чынам, на беларускамоўны ліст Случака міліцыя павінна была адказаць па-беларуску.

Новую скаргу разгледзелі ў Ляхавіцкім РАУС. Як вынікае з афіцыйнага ліста, падпісанага часовым выканаўцам абавязкаў начальніка аддзела Аляксеем Паплаўскім, парушэнне пацвердзілася.

Адказ на зварот Ігара Случака

«Па выніках разгляду ў дачыненні да начальніка аддзела аховы правапарадку і прафілактыкі АУС Ляхавіцкага райвыканкама, за парушэнне патрабаванняў артыкула 18 Закона Рэспублікі Беларусь ад 18 ліпеня 2011 г. №300-З «Аб зваротах грамадзян і юрыдычных асоб», прыняты меры матэрыяльнага ўздзеяння», — гаворыцца ў адказе РАУС.

Што менавіта маецца на ўвазе пад «мерамі матэрыяльнага ўздзеяння» і якой была сума, у дакуменце не ўдакладняецца.

Сам Ігар Случак звярнуў увагу яшчэ на адну дэталь гэтай гісторыі. Паводле яго, супрацоўнік, якога прыцягнулі да адказнасці, раней сам кіраваў Ляхавіцкім РАУС. «Часовы начальнік Ляхавіцкага РАУС прыцягнуў да адказнасці свайго папярэдніка па маёй заяве за ігнараванне беларускай мовы», — напісаў актывіст.

Пры гэтым у афіцыйным адказе гаворка ідзе менавіта пра начальніка аддзела аховы правапарадку і прафілактыкі, які дапусціў парушэнне пры падрыхтоўцы адказу.

У міліцыі таксама нагадалі Случаку, што, калі ён не згодны з прынятым рашэннем, то можа абскардзіць яго ва УУС Брэсцкага аблвыканкама.

Такім чынам, скарга на рускамоўны адказ міліцыі мела канкрэтныя наступствы: у Ляхавіцкім РАУС прызналі, што патрабаванне закона было парушана, а да адказнага за гэта начальніка ўжылі матэрыяльнае пакаранне.

Чытайце таксама: Беларуская мова як мірная зброя: асабістая гісторыя былога каліноўца, палітыка Аляксандра Клачко

Recent Posts

«Вбухали деньги в непонятно что». Почему брестчане пророчат транспортный коллапс новому перекрестку Жукова и Ковельской

Развязку за 5 млн рублей открыли почти две недели назад, но споры не утихают: водители…

18.11.2026

Ночной «шопинг» в Барановичах: выпивший мужчина вынес с предприятия инструменты и деньги

Житель Барановичей решил устроить ночной поход за чужим добром. Но утренний «сюрприз» для работников предприятия…

18.11.2026

«30 рублей за 12 часов работы»: беларуска возмутилась вакансией в Витебске

В Витебске обсуждают вакансию администратора салона красоты: за 12-часовую смену обещают 30 рублей и процент…

18.11.2026

«Что ни делай, всем не угодишь». Жители Барановичей спорят из-за новой искусственной елки на площади Ленина

В центре Барановичей появится искусственная ель и китайские шары. Горожане спорят об экологии и жалуются,…

18.11.2026

В Бресте за Ледовым дворцом могут снести дома, которых не было в плане: жители возмущены решением властей

Новые подробности застройки территории за Ледовым дворцом в Бресте: под снос, как утверждают местные жители,…

18.11.2026

«Не поддавайтесь на деструктивные призывы». В Бресте мужчину судили за «оскорбление» Лукашенко прямо в университете

Выездное заседание провели в БрГУ имени Пушкина. После процесса прокурор напомнил студентам об ответственности за…

18.11.2026