У Магілёўскім райвыканкаме заяўляюць, што асянікі — “традыцыйная страва” рэгіёна і што яна можа трапіць у Спіс нематэрыяльнай спадчыны UNESCO.
Асянікі ў Магілёўскай вобласці. Фота: "СБ"
У Магілёўскім раёне абвясцілі пра з’яўленне «новай-старой» мясцовай стравы — асянікі (таксама «асяны» ці «асенікі»).
Чытайце таксама: Чыноўніца з Лёзна запрасіла пытанні ў TikTok, але не адкрыла каментары на сваёй старонцы
Паводле публікацыі дзяржаўнага выдання «СБ Беларусь сегодня», улады нібыта прэтэндуюць на ўключэнне гэтай стравы ў Спіс нематэрыяльнай культурнай спадчыны UNESCO, звяртае ўвагу Магілёў.media.
Крыніцай інфармацыі ў матэрыяле «СБ» стала не экспертка ў сферы этнаграфіі ці кулінарнай спадчыны, а загадчыца сектара культуры Магілёўскага райвыканкама Наталля Гоманава, якая і называе страву «брэндам раёна».
Як сцвярджае прадстаўніца райвыканкама, асянікі нагадваюць дранікі, але ў іх, акрамя бульбы, дадаюць:
Страва нібыта гатавалася ў вёсках раёна «даўно і паўсюдна». Аднак факты не супадаюць з заявай чыноўнікаў
У беларускіх кнігах нацыянальнай кухні асянікі не згадваюцца наогул. Больш за тое, мясцовыя жыхары, з якімі адмыслова пагутарылі падчас падрыхтоўкі матэрыялу, прызналіся, што ўпершыню чуюць пра такую «традыцыйную страву».
Мясцовая газета «Прыдняпроўская ніва» таксама піша з амаль поўнай упэўненасцю, што асянікі вось-вось трапяць у міжнародны спіс. Але адкуль такая ўпэўненасць, выданне не тлумачыць. Найбольш верагодна, што ініцыятыва цалкам сыходзіць з райвыканкама.
Падобныя «кулінарныя праекты» выглядаюць як тыповая спроба чыноўнікаў стварыць штучны культурны брэнд дзеля справаздачнасці і ўмоўных поспехаў рэгіёна.
Такія хітрыкі вядомыя ва ўсім свеце, але беларускія бюракраты ў гэтым нярэдка ідуць яшчэ далей — ствараючы “традыцыі”, пра якія не ведаюць нават самі мясцовыя жыхары.
Чытайце таксама: У Гомелі ў аддзеле выпечкі сеткавай крамы пакупнікі пабачылі прусакоў
Жанчына выклала відэа ў TikTok, у якім паказала, што адбываецца пасля прыгатавання паўфабрыкату. Многія пагадзіліся…
Брестские архитекторы показали современный квартал мечты. Но горожане уверены: красивые рендеры не переживут встречу с…
Жители деревни Высокое жалуются — после вывоза сахарной свеклы дорога стала непроходимой. В ЖКХ пообещали…
Некоторые жители Барановичей опасались, что «лежащие полицейские» на улице Советской уберут, а асфальт под ними…
Жыхары дома №3 у вёсцы Селішчы заяўляюць, што пасля замены каналізацыі падчас капрамонту іх падвалы…
В Лунинецком районе планируют мост через Припять, однако местные жители критикуют выбранный маршрут и опасаются…