У Магілёве аўтобус ездзіў з няспраўнымі дзвярыма: жыхары ўсё часцей скардзяцца на стан транспарту

Магілёўцы ўсё часцей выказваюць незадаволенасць станам гарадскога транспарта. Жыхары горада ў TikTok распавялі пра выпадак, калі на адным маршруце ў аўтобуса ўзнікла тэхнічная няспраўнасць і дзверы не зачыняліся належным чынам напрацягу дзесяці хвілінаў.

Чытайце таксама: Хейтэрскія акаўнты аўтобусаў — новы трэнд беларускіх зумераў: навошта іх ствараюць?

Кіроўца, як вынікае з відэа, ругаўся з людзьмі, але не збіраўся пускаць іх у транспарт для перавозкі. У гэтым выпадку пасажырам давялося чакаць іншы транспарт.

@spotter_mogileva Короче у автобуса не закрывались двери и люди сидели 10 минут и ругались с водилой, а потом подъехал другой автобус #могилев #чп #автобус #водитель #ругаються ♬ оригинальный звук — 🛤️spotter_mogileva🚆

Як адрэагавалі ў сацсетках

У каментарах пад ролікам адзначыліся жыхары Магілёва. Яны звярнулі ўвагу на сур’ёзную праблему — недахоп сучаснага транспарта ў горадзе, адзначаючы, што сучасныя новыя аўтобусы часцей можна ўбачыць у раённых гарадах, тады як у самім Магілёве на лініі нярэдка выходзіць стары транспарт з паломкамі.

Вось, як магілёўцы пракаментавалі відэа:

• «Новы аўтобусы закупляюць і адпраўляюць на прыгарад. А па горадзе вёдры старыя ездзяць».
• «Які жах!».
• «І дзе ж тыя 70 новых аўтобусаў?», — задаецца пытаннем адна з карыстальніц.

Іншыя каментатары, у сваю чаргу, заўважылі, што нават з рэгіянальным транспартам Магілёва перыядычна ўзнікаюць тэхнічныя праблемы:

• «У Дашкаўку даюць такія аўтобусы, што на палове шляху ламаюцца, і мы чакаем замену».

Не толькі Магілёў: у якіх гарадах беларусы скардзіліся на транспарт

BGmedia неаднойчы звяртала ўвагу на скаргі беларусаў на грамадскі транспарт. Сярод частых прычынаў абурэння людзей — спазненні саміх аўтобусаў, перапоўненыя салоны, дзіры ў падлозе ці сценах, праз якія трапляе снег ці дождж, а таксама тэхнічныя паломкі.

Праблему заўважалі і ў самой сталіцы. Так, у Мінску ў салоне аўтобуса МАЗ-105 не працавалі пандусы для пасажыраў з інваліднасцю. Праз гэта адна жанчына, што знаходзілася ў інвалідным вазку не змагла патрапіць на транспарт. Аўтобус, як і ў выпадку з магілёўскім, адносіўся да старых мадэляў вытворчасці Мінскага аўтамабільнага завода (МАЗ). Гэта ўсё стала вядома з відэа ў TikTok, якім падзяліўся неабыякавы жыхар.

У відэа згадваецца мадэль МАЗ-105, і ў каментарах мінчане адзначаюць, што ў некаторых старых аўтобусах гэтага прадпрыемства — напрыклад, у частцы мадэляў МАЗ-3 — пандусы сапраўды могуць адсутнічаць або не выкарыстоўваюцца наогул.

Як вынікае са скаргаў беларусаў, праблемы няспраўнасці ў старых аўтобусаў тычыцца шматлікіх гарадоў: як Мінска з іншымі абласнымі цэнтрамі, так і рэгіёнаў.

Чытайце таксама: На аўтобусах Мінска заўважылі адсутнасць безбар’ернага асяроддзя