У малацэ ад «Малочнага свету» заўважылі чорны асадак на дне

У TikTok з’явілася відэа, на якім беларуска паказала незвычайны выгляд малака ад вядомага айчыннага вытворцы. На дне ўпакоўкі быў заўважаны чорны асадак, што выклікала ў людзей пытанні пра якасць і бяспеку гэтага прадукту.

Чытайце таксама: «Гэта трэш!»: Жыхарка Кобрына паскардзілася на якасць малака ад «Мінскай маркі»

Пра падобны выпадак паведамляла жыхарка Кобрына, але пра іншую фірму – «Мінскую марку». Па словах жанчыны, малако мела невыносны пах і смак, нягледзячы на яшчэ дзейны тэрмін прыдатнасці.

Гэтым разам у TikTok паскардзіліся на малако ад фірмы ААТ «Малочны свет». На фатаздымках, якімі падзялілася карыстальніца Наталля, відаць, што тэрмін прыдатнасці прадукту яшчэ не скончыўся. Але на ім ужо можна пабачыць тое, што выглядае як прыкметы псавання.

Як беларусы адрэагавалі на інцыдэнт

У каментарах пад відэа ў TikTok многія беларусы адзначылі, што «беларуская малочка сапсавалася». Карыстальнікі выказалі розныя здагадкі пра магчымыя прычыны. Адны лічаць, што на айчынных прадпрыемствах шырока выкарыстоўваюць «хімію ў сініх парашках». Іншыя мяркуюць, што праблема можа быць у тым, што «лепшая прадукцыя ідзе на экспарт», а таму на ўнутраны рынак трапляе не заўсёды якасны тавар.

• «Знакомый працаваў на малочным першым камбінаце, распавядаў, як цыстэрнамі завозяць хімію ў выглядзе сініх парашкоў».
• «Так малака даўно няма. Фермаў няма!».
• «Таму што п’ем хімію, кароваў няма».
• «Хто там кажа пра беларускую якасць?».
• «Якасць нашай прадукцыі даўно змянілася, асабліва малочка. Усё лепшае на экспарт».

Некаторыя карыстальнікі ўпэўнены, што праблема не ў якасці самога прадукту, а ў тары. «Гэта не асадак, а проста брудная бутэлька звонку або дэфект пластыку», — выказаўся адзін з карыстальнікаў. Але былі і іншыя версіі: частка людзей палічыла, што малако магло «падгарэць» падчас апрацоўкі, бо «ва ультраўстаноўцы тэмпература даходзіць да 120 градусаў».

Чытайце таксама: На адным з прадпрыемстваў пад Мінскам закрылі мясны цэх