У Пінску простым жыхарам давялося «разграбаць» наступствы пасля чысткі снега камунальнікамі

Пінчанка падзялілася відэа ў TikTok, у якім паказала наступствы ад прыборкі дарогі снегаўборачнымі машынамі. Вынік не задаволіў мясцовых жыхароў: людзям давялося чысціць вуліцу, бо пасля працы камунальнікаў суседнія з дарогай двары засыпала снегам.

Чытайце таксама: «Результат виден только возле горисполкома?» Жители Барановичей критикуют коммунальные службы за уборку снега

На відэа відаць, што дарогу настолькі замяло, што па ёй немагчыма праехаць грамадскаму транспарту з аднаго боку, а з іншага боку — выехаць аўтамабілям са двароў.

«Жах! Каб вы разумелі: прачысцілі дарогу так, што аўтобус не можа павярнуць, мы не можам павярнуць, і людзі ідуць пешкі. І мы капаем сабе праездзік», — кажа аўтарка відэа.

@dr.rabets #пинсксегодня#пинскметель#пинск_снег#коммунальщики#чисткадорог#пинск_дороги#пинск_хавьер#заторынадорогах#снег_пинск#автобусы_сугробы#сугробы_пинск ♬ оригинальный звук — Dr.Rabets

Падобную сітуацыю назіраюць у розных гарадах краіны: як у сталіцы, так і ў рэгіёнах. Простым беларусам даводзіцца каардынаваць свае моцы, каб проста выехаць па справах ці дадому.

Так, ЖКГ Слуцка, напрыклад, падзякавала людзям за прыборку прыдамавых тэрыторый у сваім Telegram-канале. Самі случчане нават пажартавалі, што цяпер кожны з простых неабыякавых людзей — камунальнік.

Што пішуць у каментарах

На меркаванне многіх беларусаў у каментарах, цяперашняя сітуацыя яўна дэманструе праблемы ў працы камунальнікаў. Карыстальнікі адзначаюць, што работнікі службаў проста вырашылі нічога не рабіць з прыдамавымі тэрыторыямі, бо ўсю працу за іх і так выконваюць простыя людзі. Некаторыя наогул заявілі, што акрамя снегаўборачных машынаў наогул не бачылі камунальнікаў з лапатамі.

• «Не спраўляюцца таму што болт паклалі. Апроч працы тэхнікі, брыгады са скрабкамі і рыдлёўкамі ад камунальных службаў бачылі? Не, таму што прасцей зрабіць выгляд, чым зрабіць працу, усё роўна на дзяржаўным акладзе працуюць людзі, навошта напружвацца».
• «Раз у год маглі б і спраўляцца, плацім падаткі круглы год, ніхто не пытаецца як спраўляемся».
• «Хтосьці наогул бачыў камунальныя службы?».
• «Што рабіць “хуткай» у гэтай сітуацыі?».

Чытайце таксама: В школу можно не идти, но на работу — обязательно? Как в Беларуси отменяют занятия из-за циклона