У розных раёнах Мінска заўважылі «нафту» з-пад крана

Беларус, што жыве ў сталіцы, апублікаваў відэа, на якім паказаў стан кранавай вады пасля рамонтных прац. Па ягоных словах, праблема ахапіла некалькі раёнаў Мінска.

Чытайце таксама: «Усё цячэ і капае са столі»: мінчанка два тыдні не можа дамагчыся рамонту з-за прарыву труб

На роліку відаць, што вада мае моцны іржавы колер, які нагадвае колер нафты. Сам аўтар кажа, што праблема закранула розныя раёны сталіцы: Цэнтральны, Фрунзенскі, Маскоўскі, Савецкі і Кастрычніцкі. «Як кажуць, пайшла вада гарачая», — іранізуе мужчына.

@mr.meat_minsk Как говорится : пошла вода горячая 🔥 #рекомендации #минск #беларусь #смешно #тренды ♬ оригинальный звук — Импровизация ❤️‍🔥

Што кажуць у каментарах

У каментарах пад ролікам сустрэліся розныя меркаванні. Адныя люді казалі, што падобная з’ява — частая пасля аварыі:

• «Ну, а як вы хацелі? Пасля аварыі заўсёды так».
• «Гэта ўсё часова».
• «Усякае бывае, ніхто не чакаў такіх маразоў!».

Нехта адзначыў, што такія сітуацыі ў Мінску здараюцца рэдка, у параўнанні з беларусаімі рэгіёнамі:

• «У вас адзін раз у Мінску такое, а ў астатніх — пастаянна».

Дзеля справядлівасці, знайшліся жыхары Фрунзенскага раёна, якія зняпраўдзілі наяўнасць бруднай вады:

• «Як не дзіўна ў нас чыстая вада. Фрунзенскі раён».
• «У Фрунзенскім усё выдатна, вада чыстая».

Але былі тыя, хто паскардзіўся на вельмі гарачую ваду: «Фрунзенскі раён: вада кіпень акно на праветрыванні», — пішуць мясцовыя жыхары.

Раней BGmedia пісала пра тое, што ў лістападзе мінулага года ў сталіцы здаралася такая ж праблема ў Партызанскім і Заводскім раёнах. Людзям даводзілася доўга зліваць брудную ваду, пакуль не пойдзе чыстая, тым самым пераплочваць за нагрэў іржавай вады.

Што абяцалі зрабіць улады

Па афіцыйных звестках, яшчэ да канца 2025 года ў Беларусі планавалі увесці ў дзеянне 800 станцый па абезжалезванню вады. Пакуль невядома, ці паспелі рэалізаваць гэты амбіцыйны план. Аднак гэта не тлумачыць наяўнасць праблемы з якасцю вады ў сталіцы.

Чытайце таксама: Прохлада по поручению: Минэнерго спешно «закручивает батареи» после слов Лукашенко