У вёсцы Вялікая Зімніца на суботнік прыйшлі адзінкі. Раённая газета абурылася, але не закранула важнае пытанне — хто адказны за дагляд за могілкамі.
Суботнік у Слаўгарсдкім раёне. Фота: www.slavgorod.by
У Слаўгарадскім раёне абмеркавалі сітуацыю вакол суботніка ў вёсцы Вялікая Зімніца — там на прыборку могілак прыйшло значна менш людзей, чым чакалася.
Чытайце таксама: В Толочинском районе официально упразднили деревню — там почти 20 лет никто не жил
Паводле інфармацыі раённай газеты «Прысожскі край», пытанне добраўпарадкавання тэрыторыі ўздымалася яшчэ на сельскім сходзе. Жыхары нібыта самі звярнулі ўвагу на стан могілак, пасля чаго ініцыятыву падтрымаў старшыня сельвыканкама Міхаіл Белашоў. Быў прызначаны дзень работ і арганізавана апавяшчэнне насельніцтва.
Нягледзячы на заклікі, асноўную працу выканалі не мясцовыя жыхары, а супрацоўнікі Слаўгарадскага лясніцтва і ЖКГ. Разам з некалькімі вяскоўцамі яны прыбіралі тэрыторыю, высякалі параснік і займаліся аварыйнымі дрэвамі.
Пры гэтым, як адзначаецца, колькасць мясцовых удзельнікаў аказалася вельмі сціплай — асабліва для населенага пункта з даволі вялікай колькасцю жыхароў. У выніку на суботнік прыйшлі пераважна тыя, хто і без афіцыйных заклікаў лічыць дагляд могілак асабістай адказнасцю, заўважыла «Магілёў.медыя».
У сваім матэрыяле раённая газета фактычна папракнула тых, хто не прыйшоў, аднак не закранула ключавое пытанне: хто павінен займацца добраўпарадкаваннем такіх тэрыторый.
Звычайна догляд канкрэтных магіл — гэта абавязак родных памерлых. А вось агульны стан могілак, уключаючы выдаленне аварыйных дрэў і ўтрыманне тэрыторыі, знаходзіцца ў зоне адказнасці камунальных службаў.
Чаму ж у дадзеным выпадку ЖКГ не справілася з гэтымі задачамі без прыцягнення бясплатнай працы жыхароў — у публікацыі не тлумачыцца.
Сітуацыя выглядае даволі знаёма: замест адкрытых канфліктаў людзі проста ігнаруюць заклікі да бясплатнай працы. Падобная мадэль паводзінаў была характэрная яшчэ для савецкага часу — калі фармальна ініцыятывы падтрымліваліся, але на практыцы выконваліся мінімальна.
У выніку атрымліваецца своеасаблівы кампраміс: улады агучваюць заклікі, а людзі самі вырашаюць, ці варта на іх адгукацца.
Чытайце таксама: Брестские чиновники рассказали, что ждет Тришинское кладбище. Про повреждение памятников на субботнике промолчали
На вопрос, будет ли проводиться в гостинице ремонт, сотрудники ответили корреспондентке, что ее и вовсе…
В Беларуси спорят о пасхальных корзинах: одни несут классический набор, другие — чипсы, овощи и…
Минус одна деревня: Стуканы в Витебской области упразднены после двух десятилетий пустоты. Таких случаев —…
Единственный круизный теплоход страны начал сезон-2026. Почти все пассажиры — россияне. Узнали, почему отдых по…
Журналисты BGmedia сравнили системы водоснабжения в Беларуси и в странах Северной Европы. Разница — не…
Жанчына, што набыла прадукцыю ад айчыннага вытворцы, сцвярджае, што ў набытым фаршы курыцы амаль 200…