Случчане скардзяцца на сцёкі каналізацыі на вуліцы Вераснёўскай. Камунальнікі спасылаліся на дажджы, але цяпер іх няма. Праблема, паводле мясцовых, застаецца.
Каналізацыя, што пацякла на вуліцы Вераснёўскай ў Слуцку. Фота мясцовых жыхароў
Жыхары вуліцы Вераснёўскай у Слуцку паведамляюць пра чарговыя праблемы з каналізацыяй. Паводле іх слоў, каля дома №1 ужо некалькі дзён запар каналізацыйныя сцёкі выцякаюць на дарогу і распаўсюджваюцца па вуліцы.
Чытайце таксама: «На заявки 115 не реагирует». Житель Витебска показал, как течет заваренный мусоропровод
Асаблівую занепакоенасць выклікала тое, што ў забруджанай вадзе гуляюць дзеці, якія, як адзначаюць мясцовыя жыхары, могуць нават не здагадвацца, што гэта не звычайная лужына.
«На вуліцы Вераснёўскай каля дома №1 выцякае каналізацыя і цячэ па ўсёй вуліцы. Зараз канікулы, бачылі, як дзеці гулялі ў гэтай лужыне, не ведаючы, што гэта каналізацыя», — напісалі ў мясцовай суполцы.
Паводле аўтара паведамлення, жыхары неаднаразова звярталіся ў водаканал, службу 115, а таксама тэлефанавалі кіраўніцтву прадпрыемства.
Як сцвярджаецца, у адказ ім паведамлялі, што пра праблему ведаюць і нібыта працуюць над яе вырашэннем. Аднак, па словах мясцовых, сітуацыя застаецца нязменнай ужо не першы год.
Спачатку прычынай называлі вялікую колькасць ападкаў. Але цяпер, калі дажджоў няма, каналізацыя працягвае выцякаць ужо пяты дзень запар.
«Машына сапраўды прыязджае і адпампоўвае калодзежы, але гэтага хапае толькі да чарговага запаўнення. Пасля ўсё паўтараецца зноў», — адзначае жыхар.
Сёння адзін клік ці падабайка могуць каштаваць занадта дорага. Гісторыя вашага браўзэра не павінна быць падставай для пераследу. BGlobal VPN. цалкам шыфруе ваш трафік. Заставайцеся ў бяспецы.
Спасылка на падключэнне BGlobal VPN – тут
Жыхары апублікавалі і афіцыйны адказ ад КУП «Слуцкае ЖКГ».
У лісце паведамляецца, што пасля багатых ападкаў сістэма водаадвядзення каля дома №1 на вуліцы Вераснёўскай не справілася з аб’ёмам ліўневых водаў. Таксама адзначаецца, што падтапленне адбывалася з-за перапоўненага калектара, які знаходзіцца на балансе і абслугоўванні «Слуцкводаканала».
Паводле ЖКГ, спецыялісты выканалі адпампоўванне калектара, пасля чаго «сістэма каналізацыі працуе спраўна».
Аднак гэты адказ не пераканаў мясцовых жыхароў. Яны сцвярджаюць, што пасля адпампоўвання праблема вельмі хутка вяртаецца.
Паводле аўтара паведамлення, адказ ад «Слуцкводаканала» жыхары пакуль не атрымалі. Таксама няма адказу і ад Слуцкага райвыканкама, куды яны таксама звярнуліся.
На дадзены момант людзі працягваюць чакаць вырашэння прычыны, з-за якой каналізацыйныя сцёкі зноў і зноў выходзяць на вуліцу.
Чытайце таксама: Жители Дзержинска возмущены долгим отсутствием воды — ЖКХ обещает закончить работы через неделю
Слуцкае медыя паказала АІ-ролік пра Слуцк пасля вайны і эпідэміі. Не ўсе случчане зразумелі такую…
Раённая газета паказала новыя клумбы і інсталяцыі ў Калінкавічах. Самі гараджане ў каментарах абурыліся знікненнем…
У Гомелі мастакі і людзі, якія займаюцца творчасцю, скардзяцца, што ў горадзе становіцца ўсё менш…
Быхаўская раёнка за два дні выпусціла тры матэрыялы пра рамонт дарог. Частка работ пры гэтым…
Кобринчане жалуются на пробки при съезде со «старого» моста и считают, что светофор стал работать…
За 25 лет своей работы на польском рынке бизнес Дмитрия Черненко стал одной из крупнейших…