Аб праблеме паведамілі мясцовыя жыхары: «Немагчыма нават адкрыць акно для праветрывання».
Смецце гарыць у Слуцку. Фота мясцовага жыхара
Жыхары Слуцка скардзяцца на праблему: у розных раёнах горада невядомыя спальваюць смецце. Гэта, у сваю чаргу, псуе паветра навокал. Смурод даходзіць ажно да суседніх вуліц.
Чытайце таксама: «Нічыйны люк» ці нагода для фармальнай адпіскі? У Слуцку камунальшчыкі прапанавалі жыхару самастойна залатаць дарогу
У адным мясцовым канале случчане распавялі, што на вул. Леваняна паляць смецце. Дым з кастра дабраўся і да суседніх вуліц — Чэхава і Зялёнай. Смурод настолькі невыносны, што для жыхароў вуліц было проста немагчыма адкрыць акно для праветрывання. Падобную праблему жыхары горада адчулі і ў іншым раёне — у 11-м гарадку.
Случчане неаднаразова звярталі ўвагу, што ў горадзе рэгулярна з’яўляюцца стыхійныя звалкі, у тым ліку і ў самым цэнтры. Мясцовыя бачаць у гэтым не толькі праблему чысціні, але і небяспеку: усё часцей людзі пачынаюць спальваць смецце проста ў двары, што пагаршае экалагічную сітуацыю ў спальных раёнах.
Чытайце таксама: У Касцюковічах — стыхійныя звалкі. Камунальшчыкі прыдумалі новы спосаб навядзення парадку
Случчанка, якая скардзілася на смецце ў цэнтры горада, атрымала адказ на рэспубліканскай платформе 115.бел. Там ёй сказалі, што ў ЖКГ няма рэсурсаў, каб прыбраць смецце. Цікава, што адразу пасля апублічвання інфармацыі ў адным з мясцовых каналаў, у ЖКГ хутка зрэагавалі — і ўсё прыбралі. Пры гэтым можна заўважыць тэндэнцыю, што праблемы са смеццем у горадзе камунальшчыкі вырашаюць неахвотна, а больш эфектыўна — пакуль толькі ў цэнтры горада.
Нядаўна мясцовыя падзяліліся відэазапісам, на якім бачна, як жыхары горада пакідаюць на траву пластыкавыя стаканчыкі. Аўтары допісу лічаць, што за такое трэба штрафаваць. Але, як паведамляе рэгіянальнае медыя, зрабіць гэта складана: у горада няма неабходных рэсурсаў. Таму найбольш дзейсным спосабам лічаць публікацыі падобных выпадкаў у сацсетках (са схаванымі тварамі) — каб прысароміць парушальнікаў.
Чытайце таксама: «Выклікайце санітараў!» У Слуцку «неабыякавая» жыхарка зрабіла агароджу на дзіцячай пляцоўцы
У Беларусі вэйпы забароненыя ў школах, а іх канфіскацыя можа суправаджацца штрафамі для бацькоў. Каментар…
В уходящем году вас заинтересовал мультфильм про Беловежскую пущу, интервью бывшей политзаключенной и ситуация на…
Чиновники рапортуют о росте зарплат и пенсий, но статистика конца года показывает тревожную картину. Посмотрели,…
Напоминание юриста о запрете подросткам до 16 лет находиться вне дома без взрослых во время…
Беларуска паказала, як арыгінальна падрыхтаваць застолле да свята, калі маеш абмежаваны бюджэт. Такі падыход не…
Брестский облисполком вновь назвал три главные достопримечательности региона. Выбор удивил: рядом с крепостью и пущей…